غزہ پر اسرائیلی بمباری کا سلسلہ بدستور جاری ہے۔ اسرائیلی بمباری میں اب تک ہزاروں فلسطینی جاں بحق ہو چکے ہیں، لیکن جنگ کے خاتمے کے آثار نہیں نظر آرہے ہیں۔ جنگ کے تعلق سے کانگریس پارٹی کے سینئر لیڈر اور رکن پارلیمنٹ راہل گاندھی نے کہا ہے کہ اسرائیل اور فلسطین کے درمیان تشدد کا سلسلہ ختم ہونا چاہیے۔
راہل گاندھی نے سوشل میڈیا سائٹ ایکس پر لکھا،” غزہ میں بچوں سمیت ہزاروں بے گناہ شہریوں کا قتل اور لاکھوں لوگوں کی خوراک، پانی اور بجلی منقطع کر کے اجتماعی سزا دینا انسانیت کے خلاف جرائم ہیں۔ حماس کا بے گناہ اسرائیلیوں کا قتل اور یرغمال بنانا جرم ہے اور اس کی مذمت بھی ہونی چاہیے۔ اسرائیل اور فلسطین کے درمیان تشدد کا سلسلہ ختم ہونا چاہیے۔“
The killing of thousands of innocent civilians, including children in Gaza and the collective punishment of millions of people by cutting off their food, water and electricity are crimes against humanity.
Hamas’ killing of innocent Israelis and taking of hostages is a crime and…
— Rahul Gandhi (@RahulGandhi) October 19, 2023
وہیں کانگریس صدر ملیکارجن کھڑگے نے غزہ کے اسپتال پر اسرائیلی بمباری میں لوگوں کی ہلاکت کو ناقابل جواز اور ایک سنگین انسانی المیہ قرار دیا ہے اور کہا ہے کہ اس کے ذمہ داروں کو جوابدہ ہونا چاہیے۔ انہونے ایکس پر لکھا، ”غزہ کے اسپتال اور رہائشی علاقوں پر اندھا دھند بمباری جس کے نتیجے میں سینکڑوں بے گناہ مرد، خواتین اور بچے جاں بحق ہوئے، ناقابل جواز اور ایک سنگین انسانی المیہ ہے جس کے ذمہ داروں کو جوابدہ ہونا چاہیے۔ “
انہوں نے مزید کہا کہ 8 اکتوبر 2023 کو، انڈین نیشنل کانگریس نے اسرائیل کے عوام پر حماس کے وحشیانہ حملوں کی مذمت کی تھی۔ شہری علاقوں میں اسرائیلی فوجی دستوں کی اندھا دھند کارروائیاں بھی ناقابل قبول ہیں، جن میں غزہ پٹی کا محاصرہ اور اس میں بمباری شامل ہے۔
The indiscriminate bombing on the hospital in Gaza and residential areas resulting in the loss of hundreds of lives of innocent men, women and children is both unjustifiable and a grave humanitarian tragedy for which the perpetrators must be held accountable.
On October 8th…
— Mallikarjun Kharge (@kharge) October 19, 2023
گزشتہ روز پرینکا گاندھی نے ایکس پر کہا تھا کہ،”اسپتالوں پر بمباری، بچوں کا قتل، عام شہریوں کے لیے خوراک، پانی اور ادویات کی بندش…. غزہ میں جو ہولناکی ہو رہی ہے اس کی مذمت کے لیے اتنے مضبوط الفاظ نہیں ہیں۔ ایک عورت، ایک ماں، ایک انسان ہونے کے ناطے، میں شرمندہ ہوں کہ دنیا ان جرائم کو اس طرح معافی کے ساتھ کرنے کی اجازت دے رہی ہے۔“
The bombing of hospitals, the murder of children, the blockading of food, water and medicines to civilians….there are no words strong enough to condemn the horror that is taking place in Gaza.
As a woman, a mother, a human being, I am ashamed that the world is allowing these…
— Priyanka Gandhi Vadra (@priyankagandhi) October 18, 2023
بتا دیں کہ حماس کی جانب سے 7 اکتوبر کو اسرائیل کے اندر حملے کے بعد سے اب تک غزہ پر اسرائیلی حملوں میں کم از کم 3,785 فلسطینی ہلاک ہو چکے ہیں، جبکہ جمعرات کے روز تک اسرائیل میں 1,400 سے زیادہ افراد مارے جا چکے ہیں۔
بھارت ایکسپریس۔
