راہل گاندھی پڑ گئے بیمار، رانچی میں 'انڈیا' اتحاد کی ریلی میں نہیں کریں گے
Rahul Gandhi Health: لوک سبھا انتخابات کے درمیان کانگریس کے رکن پارلیمنٹ راہل گاندھی کی طبیعت اچانک خراب ہوگئی ہے۔ ایسے میں وہ اتوار کو رانچی میں ہونے والی ‘انڈیا’ اتحاد کی ریلی میں شرکت نہیں کریں گے۔ یہی نہیں راہل کی جو ریلی مدھیہ پردیش کے ستنا میں ہونے والی تھی اس میں بھی شرکت نہیں کریں گے۔ کانگریس لیڈر جے رام رمیش نے ٹویٹ کرکے یہ جانکاری دی۔
جے رام رمیش نے ٹویٹ کر کے کہا، راہل گاندھی آج ستنا اور رانچی میں انتخابی مہم کے لیے پوری طرح تیار تھے، جہاں انڈیا کی ریلی ہو رہی ہے۔ لیکن وہ اچانک بیمار ہو گئے ہیں اور اس وقت نئی دہلی سے باہر نہیں جا سکتے۔ کانگریس صدر ملکارجن کھڑگے ستنا میں ریلی سے خطاب کریں گے۔ اس کے بعد وہ رانچی میں انڈیا الائنس کی ریلی میں شرکت کریں گے۔
श्री राहुल गांधी आज सतना और रांची में चुनाव प्रचार के लिए पूरी तरह से तैयार थे, जहां INDIA की रैली हो रही है। लेकिन वह अचानक बीमार हो गए हैं और फिलहाल नई दिल्ली से बाहर नहीं जा सकते हैं। कांग्रेस अध्यक्ष श्री मल्लिकार्जुन खरगे जी अवश्य सतना में जनसभा को संबोधित करने के बाद रांची…
— Jairam Ramesh (@Jairam_Ramesh) April 21, 2024
رانچی میں آج ‘انڈیا’ اتحاد کی ریلی
رانچی میں لوک سبھا انتخابات کے دوسرے مرحلے کی ووٹنگ سے قبل اتوار کو ‘انڈیا’ اتحاد کی طاقت کا مظاہرہ ہے۔ رانچی کے پربھات تارا گراؤنڈ میں ہونے والی اس میگا ریلی کو ‘الگلان نیائے ریلی’ کا نام دیا گیا ہے۔ اس ریلی میں تقریباً 14 جماعتوں کے قائدین شرکت کریں گے۔
یہ بھی پڑھیں- Aayush Sharma Net Worth: عالی شان بنگلہ اور مہنگی کاریں… سلمان خان کے بہنوئی آیوش شرما کے پاس ہے کروڑوں کی جائیداد!
اس میگا ریلی میں کانگریس صدر ملکارجن کھڑگے، آر جے ڈی لیڈر تیجسوی یادو، ایس پی صدر اکھلیش یادو، دہلی کے وزیر اعلی اروند کیجریوال کی اہلیہ سنیتا کیجریوال، عآپ لیڈر سنجے سنگھ سمیت کئی اپوزیشن لیڈر پہنچ رہے ہیں۔ اس ریلی میں راہل گاندھی کو بھی شرکت کرنی تھی۔ لیکن خرابی صحت کے باعث وہ ریلی میں شرکت نہیں کریں گے۔ رانچی میں ہونے والی اس ریلی سے پہلے ہی 31 مارچ کو راجدھانی دہلی کے رام لیلا میدان میں انڈیا الائنس کا ایک جلسہ عام منعقد ہوا تھا۔
-بھارت ایکسپریس
