Aayush Sharma Net Worth: آیوش شرما ان دنوں اپنی آنے والی فلم‘رسلان’ کو لے کر سرخیوں میں ہیں۔ ان کی فلم کا ٹریلر پہلے ہی ریلیز ہو چکا ہے اور اب شائقین فلم کی ریلیز کا انتظار کر رہے ہیں۔ رسلان 26 اپریل 2024 کو سینما گھروں کی زینت بنے گی۔ آپ کو بتاتے چلیں کہ آیوش شرما سلمان خان کے بہنوئی ہیں، وہ سلمان کی بہن ارپتا خان کے شوہر ہیں۔
آیوش شرما نے 2018 کی فلم ‘لویاتری’ سے بالی ووڈ میں قدم رکھا۔ ان کی یہ فلم باکس آفس پر فلاپ ثابت ہوئی۔ اس کے بعد وہ اپنے بہنوئی سلمان خان کے ساتھ فلم ‘انتم’ میں نظر آئے اور یہ فلم بھی فلاپ ثابت ہوئی۔ وہ گزشتہ سال ریلیز ہونے والی فلم ‘کسی کا بھائی کسی کا جان’ کا بھی حصہ تھے ۔لیکن یہ فلم بھی باکس آفس پر ناکام ثابت ہوئی۔
آیوش شرما کی مجموعی مالیت
اپنے فلاپ اداکاری کے کیریئر کے باوجود، آیوش شرما کے پاس دولت کی کوئی کمی نہیں ہے۔ ٹاپ پلینیٹ ویب سائٹ کے مطابق، اداکار کی سال 2020 میں ہی اثاثہ جات 67 کروڑ روپے تھی۔ آیوش شرما کی اہلیہ ارپتا خان نے بھی سال 2022 میں ممبئی میں ایک عالی شان بنگلہ خریدا تھا۔جس کی قیمت 10 کروڑ روپے بتائی جاتی ہے۔ 1750 مربع فٹ پر پھیلا یہ اپارٹمنٹ کسی محل سے کم نہیں۔
یہ بھی پڑھیں- Ira Khan’s Married Life: چار ماہ میں ہی شوہر سے پریشان ہوئی عامر خان کی بیٹی؟کیا ٹوٹنے والی ہے عائرہ خان کی شادی؟
ممبئی میں عالی شان اپارٹمنٹ
حال ہی میں آیوش شرما نے Mashable کو ممبئی میں اپنے بالکل نئے اپارٹمنٹ کا ویڈیو ٹور بھی دیا۔ اس ویڈیو میں انہوں نے گھر کے خوبصورت اندرونی ڈیزائن کا کریڈٹ اپنی اہلیہ ارپتا خان کو دیا۔ اس کے علاوہ اداکار نے سلمان خان کی جانب سے تحفے میں دیے گئے آرٹ ورک کی اہمیت کا بھی اظہار کیا تھا۔
اداکار کو لگژری کاروں کا شوق
عالی شان بنگلے کے علاوہ آیوش شرما کے پاس مہنگی کاروں کا اچھا کلیکشن ہے۔ انہیں لگژری کاروں کا شوق ہے اور اسی لیے اداکار کے پاس رولز رائس فینٹم، رینج روور اور لینڈ روور جیسی لگژری کاریں ہیں۔
-بھارت ایکسپریس
