کانگریس لیڈر راہل گاندھی نے وزیر اعظم نریندر مودی پر سخت حملہ کیا ہے۔ گوالیار میں بھارت جوڑو نیائے یاترا کے دوران انہوں نے پی ایم پر کئی سوالات اٹھائے۔ راہل گاندھی نے ٹویٹر پربھی پوسٹ کرتے ہوئے لکھا، ”ہوائی چپل والوں کو ہوائی جہاز میں سفر کا خواب دکھانے والےنریندر مودی ان سے ریلوے، ‘غریبوں کی سواری’ چھین رہے ہیں۔ ہر سال کرایوں میں 10 فیصد اضافہ ہورہا ہے، متحرک کرایہ کے نام پر لوٹ مار، بڑھتے ہوئے کینسل چارجز اور مہنگے پلیٹ فارم ٹکٹوں کے درمیان ایک ایسی ‘ایلیٹ ٹرین’ کی تصویر دکھا کر لوگوں کوگمراہ کیا جا رہا ہے جس پر غریب قدم بھی نہیں رکھ سکتا۔
راہل گاندھی نے مزید کہا، “حکومت نے گزشتہ 3 سالوں میں بزرگ شہریوں کو دی گئی چھوٹ چھین کر ان سے 3,700 کروڑ روپے اکٹھے کیے ہیں۔ پبلسٹی کے لیے منتخب کی گئی ٹرینوں کی وجہ سے عام آدمی سے تعلق رکھنے والی ٹرینوں کویہاں وہاں روک کر انہیں تنگ کیا جاتا ہے اور ان کی ٹرین 10-10 گھنٹوں سے زیادہ تاخیر سے چلائی جاتی ہیں۔غریب اور متوسط طبقے کے مسافروں کو ریلوے کی ترجیح سے باہر رکھا گیا ہے۔
‘हवाई चप्पल’ वालों को हवाई जहाज की यात्रा का सपना दिखा, नरेंद्र मोदी ‘गरीबों की सवारी’ रेलवे को भी उनसे दूर करते जा रहे हैं।
हर साल 10% बढ़ता किराया, डायनामिक फेयर के नाम पर लूट, बढ़ते कैंसलेशन चार्जेस और महंगे प्लेटफार्म टिकट के बीच लोगों को एक ऐसी ‘एलीट ट्रेन’ की तस्वीर दिखाकर…
— Rahul Gandhi (@RahulGandhi) March 3, 2024
راہل گاندھی نے گوالیار میں مزید کہا کہ ٹرین کے اے سی کوچوں کی تعداد بڑھانے کے لیے جنرل کوچوں کی تعداد کم کی جا رہی ہے، جس میں نہ صرف مزدور اور کسان بلکہ طلباء اور ملازم بھی سفر کرتے ہیں۔ اے سی کوچز کو تیار کرنے کے معاملے میں بھی عام کوچز کے مقابلے 3 گنا اضافہ کیا گیا ہے۔ درحقیقت ریلوے بجٹ کو الگ سے پیش کرنے کی روایت کو ختم کرنا ان ‘کارناموں’ کو چھپانے کی سازش تھی۔ ریلوے کی پالیسیاں صرف امیروں کو ذہن میں رکھ کر بنائی جا رہی ہیں، ہندوستان کی 80 فیصد آبادی جو ریلوے پر منحصر ہے، انکے ساتھ دھوکہ ہے۔ مودی پر بھروسہ ‘دھوکہ کی گارنٹی’ ہے۔
بھارت ایکسپریس۔
