وزیر اعظم نریندر مودی نے ایمرجنسی کے 50 سال مکمل ہونے پر اندرا گاندھی کی سخت تنقید کی۔
نئی دہلی: بھارتیہ جنتا پارٹی (بی جے پی) آج ’’آئین کے قتل کا دن‘‘ (سنودھان ہتیا دیوس) کے طورپر منا رہی ہے۔ وزیراعظم مودی سے لے کر وزیرداخلہ امت شاہ سمیت لیڈران نے کانگریس پر جم کرتنقید کی ہے۔ وزیراعظم مودی نے لکھا کہ آج ہندوستان کی جمہوری تاریخ کے سب سے سیاہ باب میں سے ایک، ایمرجنسی نافذ ہونے کے 50 سال مکمل ہوگئے ہیں۔ ہندوستان کے لوگ اس دن کو آئین یوم قتل کے طور پرمناتے ہیں۔
انہوں نے لکھا کہ اس دن، ہندوستانی جمہوریت میں موروثی اقدار کونظراندازکیا گیا۔ بنیادی حقوق کو معطل کردیا گیا، پریس کی آزادی کو ختم کردیا گیا اور کئی سیاسی لیڈران، سماجی کارکنان، طلبا اورعام شہریوں کوجیل میں ڈال دیا گیا۔ ایسا لگ رہا تھا کہ جیسے اس وقت اقتدار میں بیٹھی کانگریس حکومت نے جمہوریت کویرغمال بنالیا تھا۔ وزیراعظم مودی نے کہا کہ کوئی بھی ہندوستانی کبھی نہیں بھول سکتا کہ کس طرح ہمارے آئین کے جذبات کی خلاف ورزی کی گئی۔ پارلیمنٹ کی آوازدبائی گئی اورعدالتوں کوکنٹرول کرنے کی کوشش کی گئی۔ 42ویں ترمیم ان کی حرکتوں کی ایک اہم مثال ہے۔
ایمرجنسی کی لڑائی لڑنے والوں کو سلام: وزیراعظم
وزیراعظم نے لکھا کہ ہم ایمرجنسی کے خلاف لڑائی میں ڈٹے رہنے والے ہرشخص کو سلام پیش کرتے ہیں۔ یہ پورے ہندوستان، ہرعلاقے سے، الگ الگ نظریات سے آئے لوگ تھے، جنہوں نے ایک ہی مقصد سے ایک دوسرے کے ساتھ مل کرکام کیا۔ ہندوستان کے جمہوری ڈھانچے کا تحفظ کرنا اور ان آئیڈیل کو بنائے رکھنا، جن کے لئےہمارے مجاہدین آزادی نے اپنی زندگی وقف کردی۔ یہ ان کی اجتماعی جدوجہد ہی تھی، جس نے یقینی بنایا کہ اس وقت کی کانگریس حکومت کو جمہوریت بحال کرنی پڑی اور نئے انتخابات کرانے پڑے، جس میں وہ بری طرح ہارگئے۔
‘The Emergency Diaries’ chronicles my journey during the Emergency years. It brought back many memories from that time.
I call upon all those who remember those dark days of the Emergency or those whose families suffered during that time to share their experiences on social…
— Narendra Modi (@narendramodi) June 25, 2025
50 سال بعد بھی نہیں بدلی کانگریس کی سوچ: بی جے پی
ایمرجنسی کی 50ویں سالگرہ پرمرکزی وزیراوربی جے پی کے قومی صدرجے پی نڈا نے کہا کہ آج سے 50 سال پہلے کانگریس کی اس وقت کی وزیراعظم اندرا گاندھی نے ایمرجنسی کا اعلان کیا تھا، جوکوئی سیاسی حادثہ نہیں بلکہ جمہوریت پرسیدھا حملہ تھا۔ پچاس سال بعد بھی کانگریس اسی ذہنیت کے ساتھ جی رہی ہے۔ اس کے ارادے آج بھی وہی ہیں، جو 1975 میں تھے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
