وزیر اعظم نریندر مودی 19 نومبر کو آندھرا پردیش کے روحانی مرکز پُٹّاپارتھی میں شری ستیا سائی بابا کی پیدائش کی صد سالہ تقریبات میں شرکت کریں گے۔ یہ تقریبات دنیا بھر کے لاکھوں عقیدت مندوں کے لیے غیر معمولی روحانی اور سماجی اہمیت رکھتی ہیں۔ پیر کو وزیر اعظم مودی نے سماجی رابطے کے پلیٹ فارم ‘ایکس’ پر ایک خصوصی پیغام شیئر کرتے ہوئے اپنی شرکت کی تصدیق کی اور اس موقع پر اپنے جذبات کا اظہار بھی کیا۔
وزیر اعظم مودی نے لکھا کہ ”میں 19 نومبر کو پُٹّاپارتھی میں اپنے آندھرا پردیش کے بھائیوں اور بہنوں کے درمیان شری ستیا سائی بابا کی پیدائش کی صد سالہ تقریبات میں شریک ہونے کا منتظر ہوں۔ سماجی خدمت اور روحانی بیداری کے لیے ان کی خدمات آنے والی نسلوں کے لیے ہمیشہ رہنمائی کا چراغ رہیں گی“۔ انہوں نے مزید بتایا کہ انہیں سائی بابا سے ملاقات اور گفتگو کے کئی مواقع ملے، جنہوں نے ان کی زندگی میں نمایاں اثرات چھوڑے۔ سرکاری شیڈول کے مطابق وزیر اعظم مودی بدھ کی صبح تقریباً 10 بجے پُٹّاپارتھی پہنچیں گے، جہاں وہ شری ستیا سائی بابا کے مقدس سمادھی مقام پر حاضری دیں گے اور پھول چڑھائیں گے۔ اس کے بعد وہ مرکزی صد سالہ تقریب میں شرکت کریں گے، جو صبح ساڑھے دس بجے شروع ہونے کا امکان ہے۔
I look forward to being among my sisters and brothers of Andhra Pradesh tomorrow, 19th November to participate in the birth centenary celebrations of Sri Sathya Sai Baba in Puttaparthi. His life and efforts towards community service and the spiritual awakening of society remain a… pic.twitter.com/NC1V0KBmMz
— Narendra Modi (@narendramodi) November 18, 2025
یادگاری سکہ اور ڈاک ٹکٹوں کا اجرا بھی ہوگا
اس موقع پر وزیر اعظم شری ستیا سائی بابا کے ہمہ گیر اثرات اور انسانیت کے لیے ان کی غیر معمولی خدمات کے اعتراف میں ایک یادگاری سکّہ اور خصوصی ڈاک ٹکٹوں کا سیٹ جاری کریں گے۔ توقع ہے کہ وزیر اعظم اس تقریب میں موجود ہزاروں عقیدت مندوں اور رضاکاروں سے خطاب بھی کریں گے۔
وزیر اعلیٰ چندرا بابو نائیڈو بھی ہوں گے شریک
تقریبات کے لیے وسیع انتظامات کیے گئے ہیں، جن میں ریاستِ آندھرا پردیش کے وزیر اعلیٰ این چندرا بابو نائیڈو کی شرکت بھی شامل ہے۔ یہ بڑا روحانی اجتماع شری ستیا سائی بابا کے پیغامِ انسانیت، محبت، امن، نفع بخش خدمت، تعلیم، صحت اور عوامی فلاح کو اجاگر کرتا ہے، جنہوں نے بڑے پیمانے پر طبی خدمات، تعلیمی اداروں، پینے کے پانی کے منصوبوں اور سماجی بہبود کے ذریعے لاکھوں افراد کی زندگیاں بدلیں۔ شری ستیا سائی بابا کی پیدائش کی صد سالہ تقریبات ایک عالمی روحانی تحریک کی علامت تصور کی جا رہی ہیں، جو انسانیت کے لیے خدمت اور یکجہتی کے فلسفے کو مضبوط کرتی ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
