وزیراعظم نریندر مودی نے ایلن مسک سے فون پر بات کی۔
وزیراعظم نریندرمودی نے جمعہ کوکہا کہ انہوں نے ٹیسلا اوراسپیس ایکس کے سی ای اوایلن مسک کے ساتھ فون پربات چیت کی۔ دونوں لیڈران نے ٹکنالوجی اورانوویشن کے شعبے میں ہندوستان اورامریکہ کے درمیان تعاون کوبڑھانے کے بارے میں تبادلہ خیال کیا۔
وزیراعظم مودی نے ایکس پردی جانکاری
وزیراعظم نریندرمودی نے ایکس پرپوسٹ کیا، ”ایلن مسک سے بات کی اورمختلف موضوعات پرتبادلہ خیال کیا، جس میں اس سال کی شروعات میں واشنگٹن ڈی سی میں ہماری میٹنگ کے دوران اٹھے موضوعات بھی شامل تھے۔ ہم نے ٹکنا لوجی اورانوویشن کے شعبوں میں تعاون کے بے پناہ امکانات پربات چیت کی۔ ہندوستان ان شعبوں میں امریکہ کے ساتھ اپنی شراکت کومزید بڑھانے کے لئے پابندعہد ہے۔“
ہندوستان کے ساتھ ایلن مسک کی بات چیت جاری
یہ بات چیت ایلن مسک کی کمپنیوں (خصوصی طورپرٹیسلا اوراسٹارلنک) کی ہندوستانی بازارمیں بڑھتی ہوئی دلچسپی کے درمیان ہوئی ہے۔ ٹیسلا ملک میں مینوفیکچرنگ بیس قائم کرنے کے لئے ہندوستانی افسران کے ساتھ بات چیت کررہی ہے۔ وہیں مکیش امبانی کی ریلائنس جیو نے مارچ میں ہندوستان میں اسٹارلنک سیٹلائٹ انٹرنیٹ خدمات لانے کے لئے مسک کی اسپیس ایکس کے ساتھ ایک معاہدے کا اعلان کیا تھا۔ ٹیلی کام ٹائیکون سنیل بھارتی متل کی بھارتی ایئرٹیل نے بھی اسپیس ایکس کے ساتھ اسی طرح کی شراکت کی ہے۔
Spoke to @elonmusk and talked about various issues, including the topics we covered during our meeting in Washington DC earlier this year. We discussed the immense potential for collaboration in the areas of technology and innovation. India remains committed to advancing our…
— Narendra Modi (@narendramodi) April 18, 2025
وزیراعظم نریندرمودی اورایلن مسک کی اس سے پہلے فروری میں وزیراعظم مودی کے امریکہ کے دوروزہ سرکاری دورے کے دوران ملاقات ہوئی تھی۔ دونوں نے الیکٹرک گاڑی، قابل تجدید توانائی اورخلا جیسے ابھرتے ہوئے شعبوں میں مستقبل میں تعاون کے بارے میں امید کا اظہارکیا گیا۔ اس ملاقات کے دوران وزیراعظم نریندرمودی نے ایلن مسک کے تین بچوں کوکتابیں تقسیم کیں۔ انہوں نے انہیں رویندرناتھ ٹیگورکی ’دی کریسنٹ مون‘، ’دی گریٹ آرکے نارائن کلیکشن‘ اورپنڈت وشنوشرما کی ’پنچ تنتر‘ کتابیں پیش کیں۔ وزیراعظم نریندرمودی نے بعد میں بچوں کی تصاویرشیئرکیں، جن میں وہ کتابیں پرھتے ہوئے دکھائی دے رہے تھے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
