وزیر اعظم نریندر مودی نے روسی صدر ولادیمیرپوتن سے بات کی ہے۔ اس فون کال کے دوران روسی صدر پوتن نے وزیراعظم کو یوکرین سے متعلق حالیہ پیش رفت سے آگاہ کیا۔ وزیر اعظم نے تنازعہ کے پرامن حل کے لیے ہندوستان کے مضبوط موقف کا اعادہ کیا۔دونوں رہنماؤں نے ہندوستان-روس خصوصی اور مراعات یافتہ اسٹریٹجک شراکت داری کو مزید گہرا کرنے کے اپنے عزم کا اعادہ کیا۔ وزیر اعظم نے صدر پوتن کو اس سال کے آخر میں 23 ویں ہندوستان-روس سالانہ چوٹی کانفرنس کے لئے ہندوستان آنے کی دعوت دی۔
Had a very good and detailed conversation with my friend President Putin. I thanked him for sharing the latest developments on Ukraine. We also reviewed the progress in our bilateral agenda, and reaffirmed our commitment to further deepen the India-Russia Special and Privileged…
— Narendra Modi (@narendramodi) August 8, 2025
پی ایم مودی نے اس بات چیت کے بارے میں ایکس پر پوسٹ کیا اور لکھاکہ میں نے اپنے دوست صدر پوتن کے ساتھ بہت اچھی اور تفصیلی بات چیت کی ہے۔ میں نے یوکرین پر تازہ ترین پیش رفت کو شیئر کرنے کے لیے ان کا شکریہ ادا کیا۔ ہم نے اپنے دوطرفہ ایجنڈے میں پیشرفت کا بھی جائزہ لیا اور ہندوستان-روس خصوصی اور مراعات یافتہ ممالک کو مزید گہرا کرنے کے عزم کا اعادہ کیا۔وزیر اعظم نریندر مودی اور صدر ولادیمیر پوتن کے درمیان بات چیت کے دوران، دونوں رہنماؤں نے ہندوستان اور روس کے درمیان جاری دو طرفہ معاملات کا جائزہ لیا اور باہمی اسٹریٹجک شراکت داری کو مزید مضبوط بنانے کے اپنے عزم کا اعادہ کیا۔ بات چیت میں، دونوں رہنماؤں نے ہندوستان اور روس کے درمیان خصوصی اسٹریٹجک شراکت داری کو مزید مضبوط بنانے کی ضرورت کو دہرایا۔ اس کے علاوہ، وزیر اعظم مودی نے صدر پوتن کو سال کے آخر میں ہندوستان میں منعقد ہونے والی سالانہ دو طرفہ سربراہی اجلاس کے لیے مدعو کیا۔
دراصل امریکی صدر کی ٹیرف وار نے پوری دنیا میں ہلچل مچا دی ہے۔ روس پر سب سے زیادہ ٹیرف اور پابندیاں عائد کی گئی ہیں۔ لیکن اب امپورٹ ایکسپورٹ میں عدم توازن کی بات کرتے ہوئے ٹرمپ نے ممالک کو روس سے تیل خریدنے پر بھی دھمکیاں دینا شروع کر دی ہیں۔ اس نے ہندوستان اور برازیل پر 50-50 فیصد ٹیرف لگا دیا ہے۔ انہوں نے چین پر 30 فیصد ٹیرف لگانے کا اعلان کیا ہے۔ ایسے میں برکس ممالک ایک دوسرے کے قریب آتے دکھائی دے رہے ہیں۔ پی ایم مودی کے ایس سی او سمٹ کے لیے چین جانے کی بھی بات ہو رہی ہے۔ پوتن بھی بھارت آنے والے ہیں۔ ٹیرف کے دور میں برکس ممالک ایک دوسرے کے ساتھ کھڑے ہیں اور دنیا کو پیغام دے رہے ہیں۔ تاہم بھارت اور امریکہ کے درمیان تجارتی معاہدے کے بارے میں بات چیت جاری ہے۔ ایسے میں آنے والے چند ماہ عالمی سفارتکاری کے لیے بہت اہم تصور کیے جا رہے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
