وزیراعظم نریندر مودی کیرلا کے تریشور میں ریلی کو خطاب کرتے ہوئے۔
PM Modi Speech in Kerala: سال 2024 کے لوک سبھا الیکشن سے متعلق ملک میں سیاسی درجہ حرارت میں اضافہ ہوگیا ہے۔ اس درمیان وزیراعظم نریندر مودی نے بدھ (3 دسمبر) کو اپوزیشن اتحاد انڈیا الائنس پر جم کرحملہ بولا۔ انہوں نے کہا کہ انڈیا اتحاد میں شامل کانگریس اور لیفٹ نے کیرلا کو لوٹا ہے۔ وزیراعظم مودی نے کیرلا کے تریشور میں کہا کہ کیرلا میں لمبے وقت تک لیفٹ اور کانگریس اقتدار اور اپوزیشن کا ڈھونگ رچتے رہے ہیں۔ یہ صرف نام کے لئے دو پارٹیاں ہیں۔ کیرلا میں بدعنوانی ہو، جرائم ہو یا پریوار واد۔ یہ دونوں سب کچھ مل کرکرتے ہیں۔ اب انڈیا الائنس بناکرانہوں نے اعلان کردیا ہے کہ ان کے نظریہ اور پالیسیوں میں کوئی فرق نہیں ہے۔
وزیراعظم نریندر مودی نے مزید کہا، ”ملک میں سڑک بن رہی ہے۔ جدید ریلوے اسٹیشن اورجدید ایئرپورٹ بن رہے ہیں، لیکن انڈیا الائنس کی حکومت صرف مودی مخالفت کے سبب کام نہیں ہونے دے رہی ہے۔ انڈیا الائنس کیرلا میں لوٹنے کی آزادی چاہتا ہے۔ گولڈ اسمگلنگ سے متعلق کھیل چلتا ہے اورکن دفاترسے چلتا ہے۔ یہ کسی سے چھپا نہیں ہے۔ یہ چاہتے ہیں کہ مرکزی حکومت جو فنڈ دیتی ہے، اس کے بارے میں پوچھ گچھ نہیں ہو۔”
#WATCH | Thrissur, Kerala: Prime Minister Narendra Modi says, ” INDI alliance only knows one thing, INDI alliance keeps hurting our faith, they made our temples and festivals, mediums for loot. The kind of politics that is being played with ‘Thrissur Pooram’ is unfortunate. The… pic.twitter.com/IqRVlB2AUH
— ANI (@ANI) January 3, 2024
وزیراعظم مودی نے کہا کہ انڈیا الائنس ہماری عقیدت پرچوٹ کرتا ہے۔ انہوں نے مندروں کو ہمارے تہواروں کو بھی لوٹنے کا ذریعہ بنا دیا ہے۔ سبری مالا میں بھی جس طرح کی افراتفری سامنے آئی ہے، اس سے عقیدتمندوں کو بہت پریشانی ہوئی ہے۔ یہ یہاں کی ریاستی حکومت کی نااہلی کا ثبوت ہے۔ انہوں نے مزید کہا کہ آپ کو یاد ہوگا جب تک ملک میں لیفٹ اور کانگریس کے اتحاد کی حکومتیں تھیں تو تب تک مسلم بہنیں تین طلاق سے پریشان تھیں۔ مودی نے مسلم بہنوں کو تین طلاق سے آزادی دینے کی گارنٹی دی تھی اوراسے ایمانداری سے پورا بھی کرکے دکھایا۔
#WATCH | People shower flower petals on Prime Minister Narendra Modi as he holds a roadshow in Thrissur, Kerala. pic.twitter.com/VwVVUOzBbX
— ANI (@ANI) January 3, 2024
وزیراعظم نے لگایا یہ الزام
وزیراعظم مودی نے کہا کہ آج کل ملک میں مودی کی گارنٹی کی بحث ہے، لیکن میں مانتا ہوں کہ ملک کی ناری شکتی توسیع شدہ ہندوستان کے عزم کو حاصل کرنے کی سب سے بڑی ضمانت ہے۔ کیرلا کی بیٹیوں نے ہندوستان کے آئین کی تشکیل میں اہم کردارادا کیا ہے۔ انہوں نے مزید کہا کہ کانگریس، لیفٹ پر پارلیمنٹ اور ریاستی اسمبلی میں خواتین ریزرویشن کے مطالبہ کو نظرانداز کرنے کا الزام لگایا۔ واضح رہے کہ عام انتخابات میں ایک طرف بی جے پی کی قیادت والی قومی جمہوری اتحاد (این ڈی اے) ہے تو وہیں دوسری طرف، کانگریس، ٹی ایم سی، ڈی ایم کے اور لیفٹ سمیت کئی پارٹیوں والا اپوزیشن اتحاد انڈیا ہے۔
-بھارت ایکسپریس
