وزیراعظم نریندر مودی کا خاص ماہانہ ریڈیو پروگرام ‘من کی بات’ کا ایک اور ایپی سوڈ آج نشر کیا گیا ہے ۔ جس میں وزیراعظم نریندر مودی ملک اور بیرون ملک کے متعدد واقعات کے ساتھ ساتھ حصولیابیوں اور کامیابیوں کا ذکر کیا ہے۔ اس بار وزیراعظم نریندر مودی کے من کی بات میں درجنوں مسلم خواتین کے خطوط ارسال ہوئے تھے ،جن کو دیکھ کر پی ایم مودی کافی خوش ہوئے اور پروگرام کے پروڈیوسر نے ان خطوط کو خاص طور پر من کی بات کا حصہ بنایا اور پی ایم مودی نے بھی اس پر کا فی خوشی کااظہار کیا ۔ بقول وزیراعظم نریندر مودی اس بار بغیر محرم کے حج سے آنے والی خواتین نے پی ایم مودی کو خط لکھ کرشکریہ ادا کیا ہے ۔ پی ایم مودی نے پروگرام کے دوران نہ صرف ان خواتین کے خطوط کا ذکر کیا بلکہ بغیر محرم سفر حج کی اجازت دینے کیلئے سعودی حکومت کا شکریہ بھی ادا کیا ۔ پی ایم مودی اپنے من کی بات پروگرام میں کہتے ہیں کہ
Been receiving letters from Muslim women appreciating the changes in the Haj policy, enabling seamless travel and pilgrimage. I also thank the Saudi Arabian Government for their cooperation in this regard. #MannKiBaat pic.twitter.com/MvN5zRQTlE
— Narendra Modi (@narendramodi) July 30, 2023
من کی بات میں مجھے اس بار کافی تعداد میں ایسے بھی خطوط ملے ہیں جو من کو بہت سکون دیتے ہیں ۔ یہ خطوط ان مسلم خواتین نے لکھی ہیں جو حال ہی میں سفر حج سے واپس لوٹی ہیں ۔ ان کا یہ سفر کئی حوالوں سے بہت خاص ہے۔ یہ وہ خواتین ہیں ، جنہوں نے سفر حج کیا ،وہ بھی بغیر کسی مرد معاون کے یا بغیر کسی محرم کے انہوں نے سفر حج کامیابی کے ساتھ مکمل کیا ۔ اور یہ تعداد سو پچاس نہیں ہے بلکہ چار ہزار سے زیادہ ہے۔یہ اپنے آپ میں بڑی تبدیلی ہے۔
وزیراعظم نریندر مودی نے اپنے من کی بات پروگرام میں مزید کہا کہ پہلے مسلم خواتین کو بغیر محرم کے حج کرنے کی اجازت نہیں تھی۔ میں من کی بات پروگرام کے ذریعے سے سعودی عرب کی حکومت کا دل سے شکریہ ادا کرتا ہوں کہ انہوں نے اس کی اجازت دی۔ بغیر محرم حج پر جا رہی خواتین کیلئے خاص طور پر وومین کوآرڈینیٹر بحال کئے گئے تھے۔
The changes that have been made in the Haj Policy in the last few years are being highly appreciated. #MannKiBaat pic.twitter.com/Xqy214PUlP
— PMO India (@PMOIndia) July 30, 2023
پی ایم موی نے مزید کہا کہ گزشتہ چند سالوں میں حج پالیسی میں جو تبدیلیاں لائی گئی ہیں ۔ ان کی بھرپورتعریف ہورہی ہے۔ ہماری مسلم ماوں اور بہنوں نے اس بارے میں مجھے بہت کچھ لکھا ہے۔ اب زیادہ سے زیادہ لوگوں کو حج پر جانے کا موقع مل رہا ہے۔ سفر حج سے واپس آئے لوگوں نے، خاص طور پر ہماری ماوں بہنوں نے خط لکھ کر جو دعائیں دی ہیں ،وہ اپنے آپ میں بہت حوصلہ دینےوالا ہے۔
