وزیراعظم نریندر مودی دو روزہ سرکاری دورے پر برطانیہ میں ہیں ،جہاں دوطرفہ امور پر برطانوی حکومت کے ساتھ مذاکرات ومعاہدے ہورہے ہیں ۔ اسی دوران پی ایم مودی کی دیگر پروگراموں میں شرکت بھی درج کی گئی ہے۔ پی ایم مودی نے چیکرز میں بکنگھم اسٹریٹ کلب کے کھلاڑیوں سے ملاقات کرتے ہوئے خوشی کا اظہار کیا ہے۔ انہوں نے اس سلسلے میں کچھ تصاویر کے ساتھ ایکس پوسٹ میں لکھا کہ ہندوستان اور برطانیہ کرکٹ کے لیے مشترکہ جذبے سے جڑے ہوئے ہیں۔ چیکرز میں، پی ایم کیئر اسٹارمر اور میں نے بکنگھم شائر اسٹریٹ کرکٹ ہبس کے کھلاڑیوں سے بات چیت کی۔ کھیل کو ہماری قوموں کے درمیان لوگوں کے درمیان تعلقات کو فروغ دیتے ہوئے دیکھ کر بہت اچھا لگا۔میرے نوجوان دوستوں کو ٹی ٹوئنٹی ورلڈ کپ جیتنے والی ہندوستانی کرکٹ ٹیم کا دستخط شدہ بیٹ بھی دیا۔وہیں وزیراعظم نریندر مودی نے برطانیہ کی میزبانی میں ہونے والے پریمئر لیگ 2025-26 کی ٹرافی کے ساتھ بھی ایک تصویر بنوائی ہے جس میں برطانوی پی ایم بھی نظرآرہے ہیں۔
India and the UK are connected by a shared passion for cricket. At Chequers, PM Keir Starmer and I interacted with players from Buckinghamshire Street Cricket Hubs. Great to see sport fostering people-to-people ties between our nations.
Also gave my young friends a bat signed… pic.twitter.com/0Vdmt0dQ6P
— Narendra Modi (@narendramodi) July 24, 2025
بتادیں کہ وزیر اعظم نریندر مودی نے جمعرات کو چیکرز میں اپنے پرتپاک استقبال کے لیے برطانیہ کے وزیر اعظم کیئر اسٹارمر کا شکریہ ادا کیا۔ پی ایم مودی نے کہا کہ ان کی بات چیت ہندوستان-برطانیہ تعلقات کو گہرا کرنے کے مشترکہ عزم کی عکاسی کرتی ہے۔ سوشل میڈیا پلیٹ فارم ’ایکس‘ پر ایک پوسٹ میں پی ایم مودی نے کہا کہ ’’چیکرز میں پرتپاک استقبال کے لیے پی ایم کیئر اسٹارمر کا شکریہ۔ ہماری بات چیت تمام شعبوں میں ہندوستان-برطانیہ کے تعلقات کو گہرا کرنے کے مشترکہ عزم کی عکاسی کرتی ہے۔‘‘
Football is widely admired among India’s youth and several football clubs based in the UK are very popular in India.@Keir_Starmer pic.twitter.com/bigSLXNWX1
— Narendra Modi (@narendramodi) July 24, 2025
وہیں آج پی ایم مودی اور کیئر اسٹارمر کی موجودگی میں ہندوستان اور برطانیہ کے درمیان ایف ٹی اے پر دستخط کیے گئے۔ واضح رہے کہ پی ایم مودی برطانیہ کے دو روزہ سرکاری دورے پر ہیں۔ پی ایم مودی نے جامع اقتصادی اور تجارتی معاہدے (سی ای ٹی اے) پر دستخط کو ہندوستان-برطانیہ تعلقات کے ایک نئے باب کے طور پر سراہا ہے۔
ہندوستان اور برطانیہ کے درمیان ’’تاریخی معاہدہ‘‘ پر کیا خوشی کا اظہار
سوشل میڈیا پلیٹ فارم ’ایکس‘ پر انھوں نے لکھا کہ ’’ہندوستان-برطانیہ اقتصادی شراکت داری میں آج ایک نیا باب شروع ہو رہا ہے! جامع اقتصادی اور تجارتی معاہدے (CETA) پر دستخط تجارت کو بڑھانے، جامع ترقی کو آگے بڑھانے اور کسانوں، خواتین، نوجوانوں، MSMEs اور پیشہ ور افراد کے لیے مواقع پیدا کرنے کے لیے ہماری مشترکہ عزم کی عکاسی کرتا ہے۔‘‘
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
