وزیر اعظم نریندر مودی نے ہفتے کے روز جاپان کے گورنروں کے ساتھ ایک خصوصی ملاقات میں بھارت اور جاپان کے تاریخی تعلقات کو مزید مستحکم کرنے اور دونوں ممالک کے درمیان تعاون بڑھانے پر زور دیا۔ انہوں نے کہا کہ یہ ملاقات ان کے لیے خوشی کا موقع ہے کیونکہ جاپان کے ریاستی گورنرز اپنی متنوع ثقافت اور توانائی کے جیتے جاگتے نمائندے ہیں۔ ایک ٹوئیٹ میں وزیراعظم نے لکھا ’’آج صبح ٹوکیو میں، جاپان کے 16 صوبوں کے گورنروں کے ساتھ بات چیت کی۔ ریاستی پریفیکچر تعاون ہندوستان-جاپان دوستی کا ایک اہم ستون ہے۔ یہی وجہ ہے کہ کل 15ویں سالانہ ہندوستان-جاپان چوٹی کانفرنس کے دوران اس پر ایک الگ پہل شروع کی گئی۔ تجارت، اختراع، انٹرپرینیورشپ اور بہت کچھ جیسے شعبوں میں تعاون کرنے کی بے پناہ گنجائش ہے۔ مستقبل کے شعبے جیسے اسٹارٹ اپ، ٹیک اور اے آئی بھی فائدہ مند ہو سکتے ہیں۔‘‘
This morning in Tokyo, interacted with the Governors of 16 prefectures of Japan. State-prefecture cooperation is a vital pillar of India-Japan friendship. This is also why a separate initiative on it was launched during the 15th Annual India-Japan Summit yesterday. There is… pic.twitter.com/N31Kp9wTw3
— Narendra Modi (@narendramodi) August 30, 2025
بھارت اور جاپان کے تعلقات کی تاریخ
وزیراعظم مودی نے کہا، ’’بھارت اور جاپان کا رشتہ ہزاروں سال پرانا ہے، جو بدھ کے پیغام اور رادھا بنود پال جیسے عظیم رہنماؤں کی کرم کا مظہر ہے۔‘‘ انہوں نے اپنے خطاب میں جاپان کے مختلف علاقوں کی خصوصیات کا ذکر کیا اور کہا کہ ان علاقوں کی توانائی اور وراثت جاپان کو وقت کے لحاظ سے لا زوال بناتی ہے۔
گجرات کے حوالے سے مثال
وزیر اعظم نے گجرات کی مثال دیتے ہوئے بتایا کہ بیسویں صدی میں گجراتی ہیروں کے تاجروں نے کوبے کا سفر کیا اور جاپانی کمپنیوں نے بھارت کے آٹوموبائل سیکٹر میں انقلاب لایا۔ یہ کاروباری روابط دونوں ممالک کو آپس میں جوڑتے ہیں۔
نئی پالیسیوں کی اہمیت
وزیر اعظم مودی نے اپنے 15 سالہ گجرات کے وزیراعلیٰ کے دور کا ذکر کیا اور بتایا کہ انہوں نے ریاستی ترقی، مضبوط بنیادی ڈھانچہ اور سرمایہ کاری کے لئے سازگار ماحول فراہم کیا، جسے اب ’گجرات ماڈل‘ کے طور پر جانا جاتا ہے۔ 2014 میں وزیراعظم بننے کے بعد انہوں نے اس سوچ کو قومی سطح پر اپنایا اور ریاستوں میں مقابلہ کی روح پیدا کی۔
جاپان کے ریاستی گورنروں کی ذمہ داری
وزیراعظم مودی نے جاپان کے ریاستی گورنروں کی ذمہ داری کو اہم قرار دیتے ہوئے کہا کہ ان کے علاقوں کی معیشت کئی ممالک کی معیشت سے بڑی ہے اوران کے ہاتھوں میں بین الاقوامی تعاون کا مستقبل ہے۔
یونیورسٹیوں میں بھارتی طلبہ کی تعداد بڑھانے پر تبادلۂ خیال
وزیر اعظم مودی نے جاپان کی معروف یونیورسٹیوں میں بھارتی طلبہ کی تعداد بڑھانے اور پانچ لاکھ لوگوں کے تبادلے کے لئے ایکشن پلان کی بات کی۔ ساتھ ہی 50,000 بھارتی پروفیشنلز کو جاپان بھیجنے کی منصوبہ بندی کی گئی ہے۔
نئے صنعتی مواقع کی توقع
وزیر اعظم نے کہا کہ جاپان اور بھارت کے چھوٹے شہر اسٹارٹ اپس، انوکھے آئیڈیاز اور مواقع پیدا کر سکتے ہیں، اور ان کے درمیان کاروباری تبادلے کے لئے کئی نئے راستے کھلیں گے۔ وزیراعظم نے جاپان اور بھارت کے تعلقات کو مزید مستحکم کرنے کی امید ظاہر کی اور کہا کہ دونوں ممالک کی قیادت مستقبل میں نئے صنعتی اور تجارتی مواقع پیدا کرے گی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
