جموں کشمیر میں دس سال بعد نئی حکومت قائم ہوگئی ہے۔ مرکز کے زیرانتظام جموں کشمیر کے وزیراعلیٰ کے بطور عمر عبداللہ کی حلف برداری ہوگئی ہے۔ ایل جی منوج سنہا نے آج انہیں سرینگر میں منعقدہ تقریب میں انہیں حلف دلایا، ساتھ ہی سریندر کمار کو ڈپٹی سی ایم کا حلف دلایا گیا ہے۔ سریندر کمار نوشہرہ سے جیت کر اسمبلی پہنچے ہیں انہوں نے بی جے پی کے ریاستی صدر رویندر رینا کو ہرایا تھا۔
Omar Abdullah takes oath as J&K chief minister. The oath of office was administered by LG Manoj Sinha.#OmarAbdullah #OathCeremony #JammuKashmir pic.twitter.com/BjKVioJy3m
— EraofKashmir (@Eraofkashmir1) October 16, 2024
عمر عبداللہ کی اس حلف برداری تقریب میں پانچ دیگر اراکین اسمبلی کو بھی وزارت کا حلف دلایا گیا ۔ ان میں جاوید ڈار جو رفیع آباد سے جیت کر آئے ہیں ، ان کا نام شامل ہے۔ ان کے علاوہ ڈی ایچ پورہ کی رکن اسمبلی سکینہ ایتو، مینڈر سے جاوید رانا،سریندر چودھری نوشہری سے اور ستیش شرما چھمب سے جیت کر عمر عبداللہ کی کابینہ میں جگہ بنائی ہے۔
عمرعبداللہ کی حلف برداری تقریب میں اپوزیشن کا اتحاد بھی دیکھنے کو ملا چونکہ یہاں تقریب کے دوران کانگریس خیمے سے صدر ملکارجن کھرگے،راہل گاندھی، پرینکا گاندھی موجود تھے تو وہیں سماجوادی پارٹی سے اکھلیش یادو، این سی پی سے سوپریا سولے اور ڈی ایم کے ، سی پی آئی ایم کے نمائندے بھی اس تقریب میں موجود تھے۔ اہم بات یہ ہے کہ کانگریس جو عمر عبداللہ کی حکومت میں اتحادی ہے اس نے کابینہ میں حصہ لینے سے انکار کردیا ہے چونکہ کانگریس دو وزارت مانگ رہی تھی جبکہ این سی صرف ایک وزارت پر راضی تھی۔ یہی وجہ ہے کہ کانگریس نے حکومت کا حصہ بننے کے بجائے باہر سے حمایت کرنے کا فیصلہ کیا۔
بھارت ایکسپریس۔
