ہریانہ کے نوح میں وی ایچ پی شوبھا یاترا نکال رہی ہے۔
Nuh VHP Shobha Yatra: ہریانہ کے نوح میں گزشتہ ماہ ہوئے تشدد کے بعد وشو ہندو پریشد (وی ایچ پی) نے ایک بار پھر اعلان کیا ہے کہ برج منڈل جل ابھیشیک یاترا کو پورا کیا جائے گا۔ حالانکہ وزیراعلیٰ منوہرلال کھٹر نے اس کی اجازت نہیں دی ہے۔ اس کے بعد بھی ہندو سماج کی طرف سے شوبھا یاترا کو نکالنے کے لئے کہا گیا ہے۔
نیوزایجنسی اے این آئی کے ساتھ ہوئی بات چیت میں وی ایچ پی کے ترجمان ونود بنسل نے کہا، ”ہم لوگ ادھوری یاترا کو پورا کریں گے۔ سماج کے ساتھ وشو ہندو پریشد کھڑا ہے۔“ انہوں نے کہا کہ ”آج ساون مہینے کا آخری پیرہے، سادھوؤں کے آشیرواد سے ہم ”جل ابھیشیک“ کررہے ہیں۔“ انہوں نے مزید کہا، ”آج ہمارے لیڈر(آلوک کمار) نلہرمندرپہنچنے والے ہیں اوروہاں جل ابھیشیک کریں گے۔ ہندو سماج کے نمائندے ان کے ساتھ ہوں گے۔ حکومت اورجی-20 کی تیاریوں کی مشکلات کو دھیان میں رکھتے ہوئے ہم نے یاترا کو علامتی طور پورا کرنے کا فیصلہ لیا۔“
#WATCH | On Vishwa Hindu Parishad (VHP)’s call for Yatra in Nuh, Haryana, its spokesperson Vinod Bansal says, “…Today, on the last Monday of Sawan month, with the blessings of sadhus we are performing ‘Jal Abhishek’ at various locations today…Our leader (Alok Kumar) is about… pic.twitter.com/k4L9v8dYAH
— ANI (@ANI) August 28, 2023
دوسری جانب انتظامیہ نے ریاستی پولیس کو ہائی الرٹ پر رکھا ہے اورسیکورٹی انتظامات کئے گئے ہیں۔ ساتھ ہی ضلع کے اسکول، کالج اوربینک سمیت سبھی تعلیمی اداروں کو بند رکھا گیا ہے۔ وی ایچ پی کی یاترا پراے ڈی ڈی، لاء اینڈ آرڈرممتا سنگھ نے کہا، ”ہم نے کسی بھی طرح کی یاترا یا گروپ موومنٹ کے لئے منع کردیا ہے۔ انٹرنیٹ خدمات بند کردی گئی ہیں۔ جانچ چل رہی ہے۔ 250 سے زیادہ ملزمین کی پہچان کرکے انہیں گرفتارکرلیا گیا ہے۔“
#WATCH | Haryana: On VHP yatra in Nuh, Rajender, IG, South Range, Rewari says, “The Local and State Administration has denied the permission (for the yatra)…For Law & Order, force deployment has been done in the area. Section 144 has been imposed in the area…I would appeal to… pic.twitter.com/FcoUHIv8C5
— ANI (@ANI) August 28, 2023
انہوں نے مزید کہا، ”چارایس آئی ٹی تکنیکی شواہد کی بنیاد پر جانچ کر رہی ہے۔ جو بھی سوشل میڈیا کے ذریعہ مشتعل کرنے کی کوشش کرے گا، اس کے خلاف کارروائی کی جائے گی اوران کے اکاؤنٹ (سوشل میڈیا) بلاک کر دیئے جائیں گے۔“
اس کے علاوہ ریوانی جنوبی رینج کے آئی جی رینج کے آئی جی راجیندر نے کہا، ”مقامی اورریاستی انتظامیہ نے (شوبھا یاترا کے لئے) اجازت دینے سے انکارکردیا ہے۔ لاء اینڈ آرڈر کے لئے علاقے میں سیکورٹی کی تعیناتی کی گئی ہے۔ علاقے میں دفعہ 144 نافذ کردی گئی ہے۔ میں لوگوں سے آپسی سمجھ کے ذریعہ سے پُرامن ماحول بنائے رکھنے کی اپیل کروں گا۔“
بھارت ایکسپریس۔
