مشہور شاعر وادیب منو ر رانا کے انتقال سے پوری ادبی برادری سوگوار ہے۔ البتہ منور رانا کی شخصیت ایسی تھی کہ ان کے جانے سے صرف ادبی دنیا میں ہی نہیں سیاسی ، سماجی اور تعلیمی میدان میں بھی ماتم کا ماحول ہے۔ منور رانا کے انتقال پر سیاسی شخصیات کی جانب سے بھی دکھ اورتعزیت کا اظہار مسلسل ہورہا ہے ۔ اسی ضمن میں آج وزیراعظم نریندر مودی نے بھی سوشل میڈیا پلیٹ فارم ایکس پر اپنے بیان میں منور رانا کو یاد کیا ہے اور خراج پیش کرتے ہوئے ان کی ادبی خدمات کو سراہا ہے۔ پی ایم مودی نے اپنے بیان میں لکھا ہے کہ منو ر رانا کے انتقال کی خبر سے کافی تکلیف ہوئی ہے۔اردو ادب وشاعری میں ان کی بہترین شراکت داری ہے۔ان کے وارثین کے ساتھ میری گہری تعزیت ہے۔
Pained by the passing away of Shri Munawwar Rana Ji. He made rich contributions to Urdu literature and poetry. Condolences to his family and admirers. May his soul rest in peace.
— Narendra Modi (@narendramodi) January 15, 2024
وہیں کانگریس پارٹی کے بھی کئی رہنماوں نے منور رانا کو یاد کیا ہے اور خراج عقیدت پیش کی ہے۔ کانگریس کے آفیشیل ایکس اکاونٹ پر منور رانا کے تئیں تعزیت کا اظہار کرتے ہوئے لکھا گیا ہے کہ مشہور شاعر منور رانا جی کا انتقال بہت ہی دکھ پہنچانے والی خبر ہے۔ شاعری کی دنیا میں ایک عہد کا خاتمہ ہے۔ ایشور ان کی روح کو سکون دے اور ان کے اہل خانہ کو دکھ کی اس مشکل گھڑی میں ہمت دے۔
मशहूर शायर मुनव्वर राणा जी का निधन बहुत ही पीड़ादायक है, शायरी की दुनिया में एक युग का अंत है।
ईश्वर दिवंगत आत्मा को शांति और उनके परिवार को यह दुख सहन करने की शक्ति प्रदान करें।
विनम्र श्रद्धांजलि.. pic.twitter.com/LAM15ssLxs
— Congress (@INCIndia) January 15, 2024
کانگریس پارٹی کے صدر ملکارجن کھرگے نے بھی منور رانا کو یاد کیا ہے۔ انہوں نے ایکس پر لکھا کہ لپٹ جاتا ہوں ماں سے اور موسی مسکراتی ہے۔ میں اردو میں غزل کہتاہوں ،ہندی مسکراتی ہے۔ اردو کے مشہور شاعر، منور رانا جی کا انتقال ادبی دنیا کا بہت بڑا نقصان ہے۔ انہوں نے اپنی شاعری سے ہندوستان کے لوگوں کے دلوں میں اپنی جگہ بنائی۔ ان کے الفاظ رشتوں کے خوبصورت تانا بانا بنتے تھے۔ ان کے اہل خانہ اور چاہنے والوں کے تئیں میری تعزیت ۔
“लिपट जाता हूँ माँ से और मौसी मुस्कुराती है
मैं उर्दू में ग़ज़ल कहता हूँ हिन्दी मुस्कुराती है”उर्दू के मशहूर शायर, मुनव्वर राना जी का निधन साहित्य के क्षेत्र की बहुत बड़ी क्षति है।
उन्होंने अपनी शायरी से हिंदुस्तान के लोगों के दिलों में अपनी जगह बनाई, उनके शब्द रिश्तों का… pic.twitter.com/3w7eGxlc9l
— Mallikarjun Kharge (@kharge) January 15, 2024
اترپردیش کے سابق وزیراعلیٰ اور سماجوادی پارٹی کے چیف اکھلیش یادو نے بھی منور رانا کے انتقال پر تعزیت کا اظہار کیا ہے اور ان کے جنازے میں شرکت کی ہے۔ البتہ اس سے پہلے انہوں نے ایکس پر ایک پوسٹ میں لکھا کہ
تو اب اس گاوں سے رشتہ ہمارا ختم ہوتا ہے ۔ پھر آنکھیں کھو لی جائیں کہ سپنہ ختم ہوتا ہے۔
ملک کے مشہور شاعر منور رانا کا انتقال کافی تکلیف دہ ہے۔ مرحوم کی روح کے سکون کی دعا کرتا ہوں۔
तो अब इस गांव से
रिश्ता हमारा खत्म होता है
फिर आंखें खोल ली जाएं कि
सपना खत्म होता है।देश के जानेमाने शायर मुन्नवर राना जी का निधन अत्यंत हृदय विदारक।
दिवंगत आत्मा की शांति की कामना।
भावभीनी श्रद्धांजलि। pic.twitter.com/BDDbojdYNh
— Akhilesh Yadav (@yadavakhilesh) January 14, 2024
ان رہنماوں کے علاوہ بھی متعدد دیگر سیاسی شخصیات نے منور رانا کے انتقال پر تعزیت کا اظہار کیا ہے۔ وہیں دوسری طرف سماجی اور تعلیمی شخصیات نے بھی منور رانا کے انتقال کو اردو شاعری میں ایک عہد کا خاتمہ قرار دیا ہے ۔
بھارت ایکسپریس۔
