محبوبہ مفتی اور عمر عبداللہ میں ایک بار پھر بحث چھڑ گئی ہے۔
Mehbooba Mufti On Indus Water Treaty: کشمیرکے پہلگام میں 22 اپریل، 2025 کو ہوئے دہشت گردانہ حملے کے بعد ہندوستان نے پاکستان کے ساتھ سندھ آبی معاہدہ (انڈس واٹرٹریٹی) کومعطل کردیا تھا۔ معاملے سے متعلق اب خوب سیاست ہورہی ہے۔ تازہ حادثات میں پی ڈی پی سربراہ اورجموں وکشمیرکی سابق ویزراعلیٰ محبوبہ مفتی نے کہا کہ اسے معطل کرنا بدقسمتی ہے۔ ساتھ ہی انہوں نے یہ بھی کہا کہ یہ ایک اکسانے والی بات ہے۔
محبوبہ مفتی نے کہا، ”مجھے لگتا ہے کہ یہ بدقسمتی ہے کہ ہندوستانی حکومت نے ہند طاس معاہدہ کومعطل کردیا ہے۔ ہمارے وزیراعلیٰ عمر عبداللہ صاحب جانتے ہیں کہ دونوں ملک جنگ کے دہانے سے واپس آچکے ہیں اورامریکہ کومداخلت کرنا پڑا۔ ہمارے کئی لوگ یہاں شہید ہوئے ہیں، کئی گاؤں تباہ ہوگئے ہیں، اتنی تباہی کے بعد اب جاکرکچھ راحت ملی تو ایسے میں یہ کہنا کہ ہند-طاس معاہدہ معطل ہونے کے بعد ہم تلبل نیوی گیشن بیراج کی تعمیرکریں گے، مجھے لگتا ہے کہ یہ اکساوے کی بات ہے۔”
’وزیراعظم مودی کو فیصلے پر پھر سے سوچنا چاہئے‘
جموں وکشمیر کی سابق وزیراعلیٰ نے کہا، “ہمیں ایسی باتیں کہنی چاہئے جوامن کوبڑھائیں، ہمیں ایسی بات نہیں کہنی چاہئے، جواکساوے کی بات کریں۔ عمرعبداللہ کہہ رہے ہیں کہ ہم یہاں ایک پاورپروجیکٹ بنائیں گے، لیکن وہ بھول گئے کہ جب وہ مرکزی وزیرتھے توفاروق صاحب وزیراعلیٰ تھے، انہوں نے دہلی کوسات بجلی منصوبے گفٹ دیئے تھے۔ مجھے لگتا ہے کہ نئی دہلی کوبھی اس بارے میں سوچنا چاہئے اور اپنے فیصلے پرنظرثانی کرنی چاہئے۔ پاکستان کوبھی شملہ معاہدے کو معطل کرنے کے اپنے فیصلہ پر نظرثانی کرنی چاہئے۔ ہمیں اپنے موضوعات کواسے دوطرفہ طورپرحل کیا جانا چاہئے۔“
#WATCH | Srinagar, J&K: On CM Omar Abdullah, PDP Chief Mehbooba Mufti says, “I think it is unfortunate that the Indian government has suspended the Indus Water Treaty. Our CM Omar sahab knows that both the countries have come back from the brink of war and America had to… pic.twitter.com/msENrpK8B7
— ANI (@ANI) May 16, 2025
عمرعبداللہ نے محبوبہ مفتی کو دیا جواب
جموں وکشمیرکے وزیراعلیٰ عمرعبداللہ نے جمعہ کے روز تلبل نیوی گیشن بیراج سے متعلق محبوبہ مفتی کے اس بیان کی تنقید کی۔ انہوں نے اسے خارج کرتے ہوئے سستی مقبولیت حاصل کرنے کی کوشش اور پاکستان میں کچھ طبقات کو خوش کرنے کی کوشش قرار دیا۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
