مغربی بنگال کی وزیر اعلیٰ ممتا بنرجی نے اپنی بنگالی شناخت کو مرکز میں رکھتے ہوئے ایک بار پھر شدید بارش میں بھیگتے ہوئے کولکاتہ میں زبردست احتجاجی مارچ نکالا۔ ممتا بنرجی کے اس احتجاجی مارچ کا انعقاد بدھ (16 جولائی 2025) کو بی جے پی کے زیر اقتدار ریاستوں میں بنگالی بولنے والے لوگوں پر ہونے والے مبینہ ظلم کے خلاف کیا گیا تھا۔کولکاتہ میں ہونے والے اس احتجاجی مارچ میں ریاست کی حکمراں جماعت ترنمول کانگریس (ٹی ایم سی) کی یکجہتی بھی دیکھی گئی۔ اس مارچ میں ریاست کی وزیر اعلیٰ ممتا بنرجی کے ساتھ ابھیشیک بنرجی اور پارٹی کے تمام اعلیٰ لیڈران بھی موجود تھے۔
“You withhold Bengal’s rightful funds, persecute people for speaking Bengali, and even replace Bengal with Bihar on @NITIAayog‘s official reports. This isn’t just negligence, it’s deliberate humiliation. We will not tolerate it. Bengal belongs to its people, and we will stand up… pic.twitter.com/VXud9RtQuG
— All India Trinamool Congress (@AITCofficial) July 16, 2025
کولکاتہ کی سڑکوں پر تین کلو میٹر طویل مارچ کے دوران ممتا بنرجی اور احتجاج میں شامل تمام لوگوں نے بی جے پی کے خلاف نعرے لگائے اور ‘بی جے پی، چھی چھی’ کے نعرے لگائے۔ مارچ کے دوران ایک بہت بڑے جلسہ عام سے خطاب کرتے ہوئے وزیر اعلیٰ ممتا بنرجی نے مرکزی حکومت کو کھلا چیلنج دیا۔ انہوں نے کہاکہ میں نے فیصلہ کیا ہے کہ اب میں بنگالی میں زیادہ بولوں گی۔کیا مجھے بھی حراستی کیمپ میں رکھو گے۔ سن لو بی جے پی، کھیل ہوبے۔ ذرا انتظار کرو۔
“@BJP4India is rigging Bengal’s elections by enrolling non-residents from Gujarat, Delhi, UP, and Rajasthan as voters, while loyalists sit inside the Election Commission. Bengal’s future will not be decided by outsiders. Only Bengal’s people have the right to vote here. ABAR… pic.twitter.com/SiEqPEGcum
— All India Trinamool Congress (@AITCofficial) July 16, 2025
ممتا بنرجی نے الزام لگایاکہ بی جے پی حکومت نے ایک نوٹیفکیشن جاری کیا ہے۔ اس میں کہا گیا ہے کہ مشتبہ بنگلہ دیشی شہریوں کو گرفتار کر کے حراستی کیمپوں میں رکھا جائے۔ یہ نوٹیفکیشن تمام بی جے پی کی حکومت والی ریاستوں کو بھیج دیا گیا ہے۔ ہم اس نوٹیفکیشن کو عدالت میں چیلنج کریں گے۔ کیا آپ ہر بنگالی بولنے والے کو جیل میں ڈالیں گے؟ انہوں نے کہاکہ بی جے پی تمام بنگالی بولنے والے لوگوں کو بنگلہ دیشی روہنگیا کہتی ہے، روہنگیا میانمار میں رہتے ہیں، یہاں مغربی بنگال کے تمام شہریوں کے پاس شناختی کارڈ ہیں، بنگال سے باہر جانے والے مزدور اپنی مرضی سے نہیں گئے بلکہ انہیں کام اس لیے ملا ہے کہ ان کے پاس ہنر ہے، جو بھی بنگالی بولتا ہے اسے گرفتار کر کے جیل میں ڈال دیا جاتا ہے۔ کیا مغربی بنگال ہندوستان کا حصہ نہیں ہے؟
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
