مدھیہ پردیش کے وزیرجنگلات وجے شاہ کے متنازعہ بیان کا معاملہ رکنے کا نام نہیں لے رہا ہے۔ پہلے معاملہ درج کیا گیا، اب گرفتاری کا مطالبہ کیا جا رہا ہے۔ وہیں بی جے پی کے کچھ پرانے لیڈران اورکانگریس پارٹی استعفیٰ کا مطالبہ کررہے ہیں۔ اس سے متعلق کانگریس نے گورنرسے مل کرایک میمورنڈم بھی دیا ہے۔ اس کے بعد گورنرہاؤس کے باہراحتجاج پربیٹھ گئے، جہاں سے پولیس نے انہیں حراست میں لے لیا گیا۔
کانگریس رکن اسمبلی نے جمعہ کے روزمدھیہ پردیش کے گورنرکی رہائش گاہ کے سامنے غیرمعینہ مدت کے لئے دھرنا شروع کردیا۔ انہوں نے کرنل صوفیہ قریشی کے خلاف قابل اعتراض تبصرہ کے لئے وزیروجے شاہ کو ریاستی کابینہ سے برخاست کرنے کا مطالبہ کیا۔ اپوزیشن لیڈرامنگ سنگھارکی قیادت میں کانگریس رکن اسمبلی منگو بھائی پٹیل سے ملاقات کے بعد راج بھون کے باہر بیٹھے۔
استعفیٰ کا مطالبہ کررہی ہے کانگریس
اپوزیشن لیڈرامنگ سنگھارنے کہا کہ ہاں، 15 اراکین اسمبلی میرے ساتھ ہیں۔ ہم نے گورنر سے ملاقات کے بعد راج بھون کے باہر غیرمعینہ مدت کے لئے احتجاج شروع کردیا ہے۔ ہم نے وجے شاہ کے استعفیٰ کا مطالبہ کرتے ہوئے انہیں ایک میمورنڈم سونپا ہے۔ ریاست کے آدیواسی معاملوں کے وزیر وجے شاہ نے اندور ضلع کے ایک دیہی علاقے میں ایک عوامی پروگرام کے دوران کرنل قریشی کا نام لئے بغیرمتنازعہ بیان دیا تھا۔
सेना के सम्मान की ये जंग जारी रहेगी!
ये लड़ाई सेना के सम्मान पर उंगली उठाने वालों के खिलाफ है। सेना के सम्मान की रक्षा के लिए कांग्रेस पार्टी का हर सिपाही अपनी अंतिम सांस तक यह जंग लड़ता रहेगा।
📍राजभवन, भोपाल | #मंत्री_विजय_शाह_को_बर्खास्त_करो
.#IndianArmedForces… pic.twitter.com/stCPk7ULFS— Umang Singhar (@UmangSinghar) May 16, 2025
انہوں نے کہا کہ وزیر نے کرنل صوفیہ قریشی کو”دہشت گردوں کی بہن“ کے طورپرپیش کرنے کی کوشش کی ہے۔ اس معاملے پرمدھیہ پردیش ہائی کورٹ نے نوٹس لیتے ہوئے معاملہ درج کرایا ہے۔ کانگریس لیڈران نے کہا کہ تین دن ہوگئے ہیں اوروجے شاہ کوابھی تک ہٹایا نہیں گیا ہے۔ ہم ان کا استعفیٰ چاہتے ہیں اوراس لئے ہم سڑکوں پر اترے ہیں۔
کانگریس ہی نہیں بی جے پی کے کچھ لیڈران بھی مانگ رہے ہیں استعفیٰ
کانگریس پارٹی بیان سامنے آنے کے بعد سے ہی وجے شاہ کے استعفیٰ کا مطالبہ کررہی ہے۔ اس کے علاوہ مدھیہ پردیش کی سابق وزیراعلیٰ اوما بھارتی بھی اس پورے معاملے پروجے شاہ کوآڑے ہاتھوں لئے ہیں۔ انہوں نے مطالبہ کیا ہے کہ وجے شاہ پرکارروائی کے ساتھ ہی کابینہ سے استعفیٰ لیا جائے۔ وہیں، دوسری طرف اب مدھیہ پردیش کے نائب وزیراعلیٰ جگدیش دیوڑا کا بھی ایک ویڈیو وائرل ہو رہا ہے، جس میں انہوں نے فوج پر تبصرہ کرتے ہوئے کہا کہ پورا ملک اورملک کی فوج وزیراعظم مودی کے قدموں میں سرنگوں ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
