بہارمیں پورنیا لوک سبھا سیٹ سے متعلق کانگریس لیڈرپپو یادو کی ضد اب بھی برقرارہے۔ وہ اس سیٹ پرالیکشن لڑنے کے لئے بالکل ڈٹے ہوئے ہیں۔ انہوں نے ایک بارپھر آرجے ڈی سربراہ لالوپرساد یادو سے گہارلگائی ہے۔ پپویادو نے کہا کہ اتحاد کی مفاد کی خاطروہ پھرسے غورکریں اوراسے کانگریس کے لئے چھوڑ دیں۔
دیررات کئے گئے اپنے ٹوئٹ میں راجیش رنجن عرف پپو یادو نے کہا کہ بہارمیں انڈیا الائنس کے بڑے بھائی آرجے ڈی سربراہ لالو پرساد یادو جی سے دوبارہ گزارش ہے کہ وہ اتحاد کی مفاد کے خاطرپورنیہ سیٹ پرازسرغورکریں، کانگریس کے لئے چھوڑ دیں۔ اس کے ساتھ ہی انہوں نے یہ بھی لکھا، ’’پورے ملک میں پھیلے پورنیا لوک سبھا علاقے کے ساتھی میری پرچہ نامزدگی میں شامل ہونا چاہتے ہیں، ان کی سہولت کے لئے پورنیا کی معززعوام کے ذریعہ تجویزکی گئی نامزدگی کی تاریخ 2 اپریل کی جگہ 4 اپریل ہوگیا ہے۔ آپ سب اس میں شامل ہوں، دعائیں دیں!‘
देश भर में फैले पूर्णिया लोकसभा क्षेत्र के साथी मेरे जन नामांकन में शामिल होना चाहते हैं, उनकी सुविधा के लिए पूर्णिया की महान जनता द्वारा प्रस्तावित नामांकन तिथि 2 अप्रैल की जगह 4 अप्रैल हो गया है। आप सब इसमें शामिल हो, आशीष दें🙏🏼!
बिहार में INDIA गठबंधन के बड़े भाई राज़द के…
— Pappu Yadav (@pappuyadavjapl) March 31, 2024
پورنیا سیٹ میں کانگریس کا پرچم لہرائیں گے
واضح رہے کہ پپویادو مسلسل یہ کہتے آرہے ہیں کہ دنیا چھوڑدیں گے، لیکن پورنیا نہیں چھوڑیں گے۔ تین دن پہلے انہوں نے ایک نعرہ دیا تھا، ’سیمانچل کوسی جیت کرملک میں کانگریس سرکار بنائیں گے، پورنیا میں کانگریس کا جھنڈا لہرائیں گے، راہل گاندھی کو وزیراعظم بنائیں گے۔‘
सीमांचल कोसी जीतकर
देश में कांग्रेस सरकार बनाएंगेपूर्णिया में कांग्रेस का झंडा लहराएंगे
राहुल गांधी जी को प्रधानमंत्री बनाएंगे— Pappu Yadav (@pappuyadavjapl) March 29, 2024
پورنیا سے آرجے ڈی نے بیما بھارتی کو بنایا امیدوار
واضح رہے کہ پورنیا سیٹ سے متعلق لالو پرساد یادو سے ایک دوبارلالو پرساد یادو سے ملاقات بھی کی تھی۔ اس کے باوجود بھی یہ سیٹ پپویادو کو نہیں ملی۔ یہ سیٹ آرجے ڈی نے اپنے کوٹے میں رکھی ہے۔ لالوپرساد یادو نے کچھ دن پہلے جے ڈی یو سے آرجے ڈی میں شامل ہوئیں بیما بھارتی کو یہاں سے اپنا امیدواربنایا ہے۔ بیما بھارتی کو ٹکٹ ملنے کے بعد پپویادومزید جارحانہ نظرآرہے ہیں اوراس سیٹ پرڈٹے ہوئے ہیں۔
بھارت ایکسپریس۔
