کرناٹک کے وزیر اعلیٰ سدارمیا اور ڈی کے شیو کمار نے نائب وزیراعلیٰ کے طور پر حلف لیا۔
کرناٹک اسمبلی انتخابات 2023 میں شاندارکامیابی کے بعد آج کانگریس کی حکومت نے عہدہ اوررازداری کا حلف اٹھایا۔ اس دوران وزیراعلیٰ کے طورپرسدارمیا اورنائب وزیراعلیٰ کے طورڈی کے شیو کمارنے حلف لیا۔ گورنرتھاورچند گہلوت نے وزیراعلیٰ اورنائب وزیراعلیٰ ڈی کے شیو کمارکےعلاوہ 8 وزراء کوحلف دلایا، جس میں کانگریس کے قومی صدرملیکا ارجن کھڑگے کے بیٹے پریانک کھڑگے اورسابق اقلیتی امورکے وزیرضمیراحمد خان شامل ہیں۔ اس موقع پر کانگریس کے سینئر لیڈران نے شرکت کی۔
Senior Congress leader Siddaramaiah takes oath as the Chief Minister of Karnataka in Bengaluru. pic.twitter.com/9VUBNNsuv2
— ANI (@ANI) May 20, 2023
حلف برداری تقریب میں کانگریس نے بی جے پی کو 2024 لوک سبھا الیکشن سے پہلے بڑا پیغام دینے کی کوشش کی۔ سدارمیا اورڈی کے شیوکمارکی حلف برداری تقریب میں کئی اپوزیشن سیاسی جماعتوں کو مدعوکیا تھا، جس میں سے اکثروبیشترلیڈران نے شرکت کی، جس میں ملیکا ارجن کھڑگے، راہل گاندھی، پرینکا گاندھی کےعلاوہ کئی وزرائے اعلیٰ اورمختلف سیاسی جماعتوں کے سربراہان موجود رہے۔ اس میں بطورخاص بہار کے وزیراعلیٰ نتیش کمار، نائب وزیراعلیٰ تیجسوی یادو، تمل ناڈو کے وزیراعلیٰ ایم کے اسٹالن، جھارکھنڈ کے وزیراعلیٰ ہیمنت سورین، جموں وکشمیرکے سابق وزیراعلیٰ اورنیشنل کانفرنس کے سربراہ فاروق عبداللہ، پی ڈی پی سربراہ محبوبہ مفتی، سیتا رام یچوری، ڈی کے راجہ وغیرہ نے شرکت کی۔ اس کے علاوہ راجستھان کے وزیراعلیٰ اشوک گہلوت، چھتیس گڑھ کے وزیراعلیٰ بھوپیش بگھیل، ہماچل پردیش کے وزیراعلیٰ سکھویندرسنگھ سکھو، کے سی وینو گوپال، رندیپ سرجے والا، رکن پارلیمنٹ سید ناصرحسین وغیرہ موجود تھے۔
#WATCH | Congress national president Mallikarjun Kharge and party leaders Rahul Gandhi & Priyanka Gandhi Vadra at the swearing-in ceremony of the newly-elected Karnataka Government, in Bengaluru. pic.twitter.com/kKcgYIMnBY
— ANI (@ANI) May 20, 2023
اس سے قبل حلف برداری تقریب سے پہلے سدارمیا اورڈی کے شیوکمارنئی کابینہ میں شامل کئے جانے والے وزراء کے ناموں اورمحکموں کی تقسیم سے متعلق اعلیٰ کمان سے تبادلہ خیال کے لئے دہلی پہنچے تھے۔ سدارمیا اورڈی کے شیوکمارنے جمعہ کے روزراہل گاندھی اورپرینکا گاندھی سے بھی ملاقات کی۔ کانگریس نے اس ملاقات کی تصویراپنے آفیشیل ٹوئٹرہینڈل سے ٹوئٹ کی۔ کیپشن میں لکھا گیا، ”کرناٹک میں جَن جَن کی سرکارکی حلف برداری سے پہلے ایک ملاقات۔” وہیں سدارمیا نے دہلی میں کانگریس کے جنرل سکریٹری کے سی وینو گوپال سے بھی ملاقات کی۔
