کرناٹک کے وزیراعلیٰ سدارمیا اور نائب وزیر اعلیٰ ڈی کے شیو کمار۔
کرناٹک کی سدارمیا حکومت نے آج (2 جون) دوسری کابینہ کی میٹنگ میں پانچ گارنٹی کو نافذ کرنے پر مہر لگا دی ہے۔ میٹنگ کے بعد وزیراعلیٰ سدارمیا نے کہا کہ اسمبلی انتخابات کے دوران کانگریس نے جو وعدہ کیا تھا، اسے پورا کرنے کا فیصلہ میٹنگ میں لیا گیا ہے۔ پانچ گارنٹی کو اسی مالی سال میں نافذ کیا جائے گا۔ پانچ گارنٹی کو نافذ کیا جائے گا۔ پانچ گارنٹی سے متعلق کابینہ میٹنگ میں غوروخوض کے بعد رضامندی ظاہر کی گئی ہے۔
کابینہ میٹنگ میں پانچ گارنٹی نافذ کرنے پرلگی مہر
وزیراعلیٰ سدارمیا نے کہا، ”ہمارے کرناٹک صدر اور نائب وزیراعلیٰ ڈی کے شیوکمار اور میں نے گارنٹی کارڈ پر دستخط کردیئے ہیں۔ ساتھ ہی یہ وعدہ کیا ہے کہ اسے نافذ کرنے کے علاوہ یہ یقینی بنائیں گے کہ اسکیم کا فائدہ سبھی تک پہنچے۔ گارنٹی کارڈ لوگوں کو تقسیم کئے ہیں۔” سبھی کو 200 یونٹ مفت بجلی کا فائدہ یکم جولائی سے ملے گا۔ اس کے پہلے کا بل سبھی کو جمع کرنا ہوگا۔ اس کے ساتھ ہی ”انا بھاگیہ یوجنا” کے تحت سبھی غریب فیملی کے علاوہ انتودے کارڈ ہولڈروں کو یکم جولائی سے ہرماہ 10 کلو چاول مفت دیا جائے گا۔
#WATCH | The fifth guarantee is ‘Yuva Nidhi’, which provides unemployed graduates who passed out this year with Rs. 3,000 per month for up to 2 years. Unemployed diploma holders will receive Rs. 1,500 per month for 2 years, including transgenders: Karnataka CM Siddaramaiah pic.twitter.com/94HHD8NPi2
— ANI (@ANI) June 2, 2023
خواتین کو ملے گا یہ خاص تحفہ
گرہ لکشمی یوجنا کے تحت خاندان کی خاتون سربراہ کو2000 روپئے کی امداد 15 اگست سے شروع ہوگی۔ اور شکتی یوجنا کو یکم جون سے نافذ کیا گیا ہے۔ جس کے تحت خواتین سرکاری ٹرانسپورٹ کی بسوں (اے سی لگژری بسوں کے علاوہ) میں مفت سفر کر سکیں گی۔
#WATCH | Bangalore: Today we have taken a historic decision for Karnataka. We are going to implement 5 guarantees, and we have given the deadline. We have signed in front of Sonia Gandhi and Rahul Gandhi, and are going to implement it soon: Karnataka Deputy CM D.K. Shivakumar pic.twitter.com/QiFeg989Pb
— ANI (@ANI) June 2, 2023
کانگریس نے کیا تھا یہ وعدہ
واضح رہے کہ الیکشن کے دوران کانگریس کے سابق صدرراہل گاندھی نے وعدہ کیا تھا کہ پانچ گارنٹی کو حکومت بننے کے دن ہی نافذ کردیا جائے گا۔ حالانکہ پہلی کابینہ میٹنگ کے بعد ان گارنٹی کو نافذ کرنے سے متعلق کوئی اعلان نہیں کیا گیا تھا، لیکن وزیراعلیٰ سدارمیا نے کہا تھا کہ انہیں آئندہ کابینہ میٹنگ تک کا وقت دیا جائے۔ ایسے میں آج ہونے والی کابینہ کی دوسری میٹنگ میں ان گارنٹی کو نافذ کرنے کا فیصلہ سدارمیا حکومت نے کیا ہے۔
-بھارت ایکسپریس
