جنتا دل (سیکولر) کے این ڈی اے میں شامل ہونے کے بعد پارٹی کے ریاستی صدر سی ایم ابراہیم نے بڑا بیان دے کر پارٹی کو مشکل میں ڈال دیا ہے۔
جنتا دل سیکولر (جے ڈی ایس) کے لیڈراور کرناٹک کے سابق وزیراعلیٰ ایچ ڈی کمارسوامی نے جمعہ (22 ستمبر) کو وزیر داخلہ امت شاہ سے ان کی رہائش گاہ پرملاقات کی۔ اس دوران بی جے پی کے قومی صدرجے پی نڈا بھی موجود تھے۔ لوک سبھا انتخابات کے پیش نظرکرناٹک میں سیٹوں کی تقسیم کو لے کر تینوں لیڈروں کے درمیان بات چیت ہوئی۔ میٹنگ کے بعد بی جے پی صدر جے پی نڈا نے کہا کہ جے ڈی ایس نیشنل ڈیموکریٹک الائنس (این ڈی اے) میں شامل ہوگئی ہے۔
میٹںگ کے بعد بی جے پی کے قومی صدر جے پی نڈا نے سوشل میڈیا ایکس (ٹوئٹر) پرلکھا، ”کرناٹک کے سابق وزیراعلیٰ اور جے ڈی ایس لیڈرایچ ڈی کمار سوامی سے وزیرداخلہ امت شاہ کی موجودگی میں ملاقات کی۔ مجھے یہ بتاتے ہوئے خوشی ہو رہی ہے کہ جے ڈی ایس نے این ڈی اے میں شامل ہونے کا فیصلہ لیا ہے۔”
BJP national president JP Nadda tweets, “Met Former Chief Minister Karnataka and JD(S) leader HD Kumaraswamy in the presence of our senior leader and Home Minister Amit Shah. I am happy that JD(S) has decided to be the part of National Democratic Alliance. We wholeheartedly… pic.twitter.com/8dBFFhnfxN
— ANI (@ANI) September 22, 2023
جے پی نڈا نے مزید کہا کہ ہم این ڈی اے میں ان کا تہہ دل سے استقبال کرتے ہیں۔ یہ این ڈی اے اور وزیراعظم نریندر مودی کے نظریہ نئے انڈیا، مضبوط بھارت کو مزید مضبوط کرے گا۔ دراصل، حال ہی میں ہوئی کرناٹک اسمبلی انتخابات میں کانگریس کی شاندارجیت ہوئی تھی اور اس نے اپنے دم پر حکومت بنائی تھی۔ اس کے بعد کانگریس نے سدارمیا کو وزیراعلیٰ اور ڈی کے شیوکمار کو نائب وزیراعلیٰ کی ذمہ داری سونپی ہے۔ آئے دن بی جے پی اور جے ڈی ایس مل کرکانگریس پر حملہ کرتی رہتی تھیں اور جے ڈی ایس کے بی جے پی اتحاد میں شامل ہونے کی خبریں آتی رہتی تھیں۔
#WATCH | After meeting Union Home Minister Amit Shah in Delhi, Former Karnataka CM and JDS leader HD Kumaraswamy says, “Today formally we discussed about joining hands with the BJP. We’ve discussed the preliminary issues formally…There is no demand (from our side).” pic.twitter.com/YYSdIJ55QK
— ANI (@ANI) September 22, 2023
سابق وزیراعلیٰ یدی یورپا نے پہلے ہی کردیا تھا اعلان
اس سے قبل کرناٹک کے سابق وزیراعلیٰ اور بی جے پی لیڈر بی ایس یدی یورپا نے بتایا تھا کہ مرکزی وزیر امت شاہ بی جے پی کے ساتھ انتخابی معاہدے کے تحت جے ڈی ایس کو 4 لوک سبھا سیٹیں دینے پر رضا مند ہوئے ہیں۔ لوک سبھا الیکشن سے متعلق برسراقتدار اور اپوزیشن دونوں نے ہی اپنی اپنی تیاریاں تیز کردی ہیں۔ اپوزیشن اتحاد ‘انڈیا’ بھی اپنی کئی میٹنگ کرچکا ہے اور ساتھ مل کر الیکشن لڑنے کی حکمت عملی بنا رہا ہے۔
ذرائع کے مطابق، کرناٹک کی جے ڈی ایس، بی جے پی کے ساتھ اتحاد کرنے کی خواہاں نظرآرہی ہے۔ جے ڈی ایس نے حال کے دنوں میں کئی اہم موضوعات پر بی جے پی کا ساتھ دیا ہے۔ کرناٹک میں جے ڈی ایس 28 میں سے 4 چارلوک سبھا سیٹوں پر الیکشن لڑنا چاہتی ہے۔ یہ سیٹیں مانڈیا، ہاسن، بنگلورو دیہات اور چکبلّا پور ہیں۔ گزشتہ لوک سبھا الیکشن میں بی جے پی نے 28 میں سے 25 سیٹیں جیتی تھیں۔ مانڈیا سے جیتی سملتا امبریش نے بی جے پی کو حمایت دی تھی جبکہ جے ڈی ایس صرف ایک سیٹ ہاسن ہی جیت سکی تھی۔ سابق وزیراعظم ایچ ڈی دیوگوڑا بھی الیکشن ہارگئے تھے۔
بھارت ایکسپریس۔
