-->
نئی دہلی: دہلی انتخابات میں بی جے پی کی جیت کے بعد این ڈی اے کے لیڈر بہار میں بڑی جیت کا دعویٰ کر رہے ہیں۔ اس کے ساتھ وہ ‘انڈیا اتحاد’ کو گھیر رہے ہیں۔ اس سلسلے میں جنتا دل (یونائیٹڈ) لیڈر کے سی تیاگی کا بڑا بیان سامنے آیا ہے۔ انہوں نے کہا کہ ‘انڈیا اتحاد’ فی الحال موجود نہیں ہے۔ یہ پیشین گوئی جے ڈی یو اور وزیر اعلیٰ نتیش کمار نے اتحاد چھوڑنے کے وقت کی تھی۔ یہ محض کٹ تھروٹ مقابلہ ہے۔
پی ٹی آئی سے بات کرتے ہوئے جے ڈی یو لیڈر سے جموں و کشمیر کے وزیر اعلیٰ عمر عبداللہ کے ٹویٹ کے بارے میں پوچھا گیا کہ عام آدمی پارٹی نے ہریانہ میں کانگریس کو ختم کر دیا ہے اور کانگریس نے عاپ کو ختم کر دیا ہے، جس پر انہوں نے کہا کہ اب لڑائی علاقائی جماعتوں کے وجود اور کانگریس پارٹی کی بالادستی کے درمیان ہے۔ جب کے سی تیاگی سے پوچھا گیا کہ دہلی انتخابات کا بہار پر کیا اثر پڑے گا۔ اس پر انہوں نے کہا کہ بہار میں الیکشن نہیں، سلیکشن ہے۔
بی جے پی نے ‘انڈیا اتحاد’ کو بنیا تنقید کا نشانہ
ساتھ ہی بی جے پی کے ترجمان اروند سنگھ نے بھی ‘انڈیا اتحاد’ کو نشانہ بنایا۔ انہوں نے کہا کہ ملک کے وزیر اعظم نریندر مودی نے ٹھیک کہا ہے کہ کانگریس اپنے اتحادیوں کو نقصان پہنچا رہی ہے۔ میں کہوں گا کہ کانگریس ایک اعلیٰ طبقے کا انگریزی ورژن ہے۔ انہوں نے مزید کہا کہ بہار میں وہ (کانگریس) لالو یادو کی راشٹریہ جنتا دل کو خشک کرنے کی کوشوں میں مصروف ہے ۔ کانگریس نے ذات پات اور مذہبی جنون کا ایجنڈا اپنایا ہے۔ 2025 میں کانگریس لالو یادو کی پارٹی کو مکمل طور پر تباہ کر دے گی۔
VIDEO | Speaking on accusations of fight between Congress and regional parties after Delhi elections, JD(U) leader KC Tyagi says, “There is no alliance such as INDIA alliance, this forecast was made by Nitish Kumar while leaving the alliance. This is only a cut-throat… pic.twitter.com/0SrG5BN7no
— Press Trust of India (@PTI_News) February 10, 2025
اروند سنگھ نے کہا کہ کانگریس پارٹی جہاں بھی گئی ہے وہ اپنے اتحادیوں کو ناکام کر رہی ہے ۔ وہ ان جماعتوں کو ختم کرتی ہے جو اس کے ساتھ اتحاد میں ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
