Anantnag Encounter: سری نگرکے بعد جنوبی کشمیرکے اننت ناگ میں ہفتہ (2 اکتوبر،2024) کو دومقامات پرمشتبہ دہشت گردوں اور سیکورٹی اہلکاروں کے درمیان تصادم جاری ہے۔ کوکرناگ علاقے میں ہوئے تصادم میں سیکورٹی اہلکاروں نے ایک مشتبہ دہشت گرد کو مارگرایا ہے۔ اس کے علاوہ اننت ناگ کے ہی کچھوان میں سیکورٹی اہلکاروں اوردہشت گردوں کے درمیان ایک اورتصادم ہوا۔ ذرائع نے بتایا کہ تصادم میں 2 غیرملکی دہشت گرد (ایف ٹی) کی موت ہوئی ہے۔ تصادم والی جگہ پرتین دہشت گردوں کے موجود ہونے کی خبر سامنے آئی ہے۔ 19 آرآراور7 پیرا آپریشن میں لگے ہوئے ہیں۔
اس سے پہلے سری نگرکے کھانیارعلاقے میں سیکورٹی اہلکاروں اوردہشت گردوں کے درمیان ہفتہ کے روزتصادم ہوا۔ سیکورٹی اہلکاروں نے دہشت گردوں کی موجودگی کی اطلاع ملنے کے بعد کھانیارعلاقے میں صبح گھیرا بندی کرکے تلاشی مہم شروع کی تھی۔ اس دوران دہشت گردوں نے سیکورٹی اہلکاروں پرگولیاں چلائیں، جس کے بعد سیکورٹی اہلکاروں نے بھی جوابی کارروائی کی اورتلاشی مہم تصام میں تبدیل ہوگئی۔
افسران نے بتایا کہ سیکورٹی اہلکاروں اوردہشت گردوں کے درمیان سری نگرمیں گولی باری جاری ہے۔ تاہم ابھی تک دونوں طرف سے کسی کے جاں بحق ہونے کی کوئی خبر نہیں ہے۔ اس سے پہلے پیر (28 اکتوبر، 2024) کو جموں وکشمیر کے اخنورعلاقے میں دہشت گردوں نے ایک فوج کی گاڑی پر گولی باری کی، جس کے بعد وہاں تصادم شروع ہوگیا تھا۔ اس کے بعد علاقے میں گھیرا بندی کرکے تلاشی مہم چلائی گئی تھی، جس کے لئے علاقے میں اضافی سیکورٹی اہلکار بھیجے گئے تھے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
