ہندوستانی فوج۔ (فائل فوٹو)
Jammu and Kashmir Police: جموں وکشمیر پولیس نے فوج کے ساتھ مل کرشمالی کشمیرکے کپواڑہ ضلع میں تین دہشت گردوں کو گرفتار کیا ہے اور 5 ہینڈ گرینیڈ بھی برآمد کئے ہیں۔ تینوں دہشت گردوں پردو الگ الگ دہشت گرد کارپوریشن میں شامل ہونے کے ثبوت ہیں۔ جموں وکشمیر پولیس نے بتایا کہ مصدقہ ذرائع سے ملی جانکاری کی بنیاد پر اس کارروائی کو انجام دیا گیا ہے۔
پولیس نے غیرقانونی سرگرمی (روک تھام) ایکٹ کی متعلقہ دفعات کے تحت معاملہ درج کرلیا ہے۔ پولیس ترجمان نے ایک بیان میں کہا کہ پولیس نے فوج کے 28 قومی رائفلس کے ساتھ مل کر کپواڑہ میں لشکرطیبہ سے منسلک دو دہشت گردوں کو پکڑا ہے۔ پولیس نے بتایا کہ گرفتارکئے گئے دہشت گرد لشکرطیبہ کمانڈرغلام رسول عرف رافعہ رسول کے اشاروں پر کام کر رہے تھے۔ پولیس نے انہیں شتمکم کی طرف جاتے وقت پکڑا۔ گرفتار دہشت گردوں کے نام زبیراحمد، شاہ پیرزادہ اور پیرزادہ مبشریوسف ہے۔ دونوں شتمکم کے رہنے والے ہیں۔
سرکاری منصوبوں پرنظرہونے کا دعویٰ
پولیس کے دعوے کے مطابق، دہشت گردوں کے پاس سے تقریباً 5 ہینڈ گرینیڈ اورتین موبائل فون برآمد کی گئی ہے۔ شروعاتی جانکاری سے پتہ چلا ہے کہ پکڑے گئے دہشت گردوں کو ان لوگوں کو ٹارگیٹ کرنے کے لئے کہا گیا تھا، جو سرکاری منصوبوں کو فروغ دینے میں شامل ہیں۔ دونوں دہشت گردوں نے اپنے ہینڈلرکو اپنے ٹارگیٹ کی تصاویربھی بھیجی تھی۔
اس کے علاوہ کپواڑہ پولیس نے 47 آرآر(بہار) کے ساتھ مل کرمصدقہ اطلاع ملنے کے بعد گملّا شال پورہ علاقے میں ایک جوائنٹ چیک پوسٹ بنایا اورگاڑیوں کی تلاشی لی۔ اس دوران ایک گاڑی میں ایک ہینڈ گرینیڈ برآمد کیا گیا۔ گاڑی میں بیٹھے شخص کا نام ظہوراحمد خان ہے۔ پولیس نے اسے حراست میں لے لیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
