نئی دہلی: نیشنل انسٹی ٹیوشنل رینکنگ فریم ورک (این آئی آرایف) نے جعرات (4 ستمبر) کوملک کے ٹاپ-10 یونیورسٹیوں کی فہرست جاری کردی ہے۔ مرکزی وزیرتعلیم دھرمیندرپردھان کے ذریعہ جاری کی گئی فہرست میں اس باربہترین تعلیمی اداروں کی فہرست میں ایک انقلابی تبدیلی آئی ہے۔ اس بار16 الگ الگ زمروں (کیٹیگری) میں پورے ملک کی یونیورسٹیوں اورتعلیمی اداروں کی رینکنگ طے کی گئی ہے۔
دراصل، این آئی آرایف فریم ورک اداروں کی رینکنگ طے کرنے کا ایک خاص طریقہ یا سسٹم ہے۔ اسے وزارت برائے انسانی وسائل وترقی (ایم ایچ آرڈی) کی طرف سے تشکیل دی گئی کورکمیٹی کی سفارشات کی بنیاد پرتیارکیا گیا ہے۔ اس کمیٹی نے مختلف یونیورسٹیوں اور کالجوں کی درجہ بندی کے لیے معیارتعلیم، تحقیق، گریجویشن کے نتائج، آؤٹ ریچ اورانفراسٹرکچرجیسے پیرامیٹربنائے ہیں۔
ٹاپ-10 یونیورسٹی میں جامعہ ملیہ-علی گڑھ مسلم یونیورسٹی کا جلوہ
این آئی آرایف رینکنگ میں اس باراوورآل بیسٹ ٹاپ یونیورسٹی کی فہرست میں ملک کی دواہم اقلیتی ادارے بھی شامل ہیں۔ اس بارجامعہ ملیہ اسلامیہ نے چوتھا مقام حاصل کیا ہے تووہیں عالمی گڑھ مسلم یونیورسٹی کوٹاپ-10 کی آخری پوزیشن یعنی 10واں مقام ملا ہے۔ اس زمرے (کٹیگری) میں ایک بارپھرانڈین انسٹی ٹیوٹ آف سائنس، بنگلورونے بازی مارلی ہے۔ اس زمرے میں دوسرے نمبرپرجواہرلال یونیورسٹی (جے این یو)، تیسرے نمبرپرمنی پال اکیڈمی آف ہائرایجوکیشن، منی پال، چوتھے مقام پرجامعہ ملیہ اسلامیہ اورپانچویں مقام پردہلی یونیورسٹی قابض ہے۔ چھٹے مقام پربنارس ہندو یونیورسٹی (بی ایچ یو) وارانسی، برلا انسٹی ٹیوٹ آف ٹکنالوجی اینڈ سائنس پنالی ساتویں مقام پررہی۔ امرت وشو ودیا پیٹھ-کوئٹمبورآٹھویں اورجادھوپوریونیورسٹی- کولکاتا کو9واں مقام حاصل ہوا ہے۔ وہیں علی گڑھ مسلم یونیورسٹی نے 10ویں پوزیشن حاصل کی ہے۔
جامعہ ہمدرد کی فارمیسی نمبر ون
دارالحکومت دہلی واقع بھارت منڈپم میں منعقدہ ایک پروگرام میں مرکزی وزیردھرمیندرپردھان کے ذریعہ جاری این آئی آرایف رینکنگ کے دیگرزمروں پرنظرڈالی جائے تواقلیتی تعلیمی اداروں میں جامعہ ہمدرد اورجامعہ ملیہ اسلامیہ کے کچھ محکموں نے شاندارکارکردگی کا مظاہرہ کیا ہے۔ جامعہ ہمدرد نے ملک کے بیسٹ فارمیسی انسٹی ٹیوشن میں پہلا مقام حاصل کیا ہے۔ جامعہ ہمدرد نے اس معاملے میں برلا انسٹی ٹیوٹ آف ٹکنالوجی اینڈ سائنس-پلانی دوسرے مقام اورپنجاب یونیورسٹی چنڈی گڑھ نے تیسری پوزیشن حاصل کی۔
جامعہ ملیہ اسلامیہ کی بڑی کامیابی
این آئی آرایف رینکنگ 2025 میں فن تعمیراورمنصوبہ بندی کے ادارے (آرکیٹکچراینڈ پلاننگ انسٹی ٹیوشنس) کے زمرے بھی شامل کئے گئے ہیں۔ اس زمرے میں ملک کی ٹاپ آرکیٹیکچرکالجوں اورپلاننگ اداروں کوان کی تعلیمی کارکردگی، ریسرچ، فیکلٹی اورانفرا اسٹرکچرکی بنیاد پررینکنگ کیا گیا ہے۔ آرکیٹیکچراینڈ پلاننگ انسٹی ٹیوشنس کے زمرے میں ملک کی ٹاپ-5 یونیورسٹی انڈین انسٹی ٹیوٹ آف ٹکنالوجی-روڑکی نے پہلا مقام حاصل کیا ہے۔ اس زمرے میں جامعہ ملیہ اسلامیہ کوپانچواں مقام ملا ہے جبکہ آئی آئی ٹی-کالی کٹ کودوسری پوزیشن، آئی آئی ٹی-کھڑگ پورکوتیسری پوزیشن اورانڈین انسٹی ٹیوٹ آف انجینئرنگ اینڈ ٹکنالوجی کوچوتھا مقام ملا ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
