نئی دہلی: کانگریس لیڈرراہل گاندھی کی رہائش گاہ پرانڈیا الائنس کی اہم میٹنگ ہوئی اورمیٹنگ کے بعد سبھی لیڈربس میں بیٹھ کرگاندھی اسمرتی بھون جا رہے ہیں، جوراہل گاندھی کے گھرسے تقریباً 2 کلومیٹردورہے۔ اتحاد کی یہ میٹنگ نیٹ پیپرلیک کے موضوع پردہلی میں چل رہے طلبا کے احتجاج سے متعلق تھی۔ راہل گاندھی نے سوشل میڈیا پلیٹ فارم ایکس (ٹوئٹر) پرپوسٹ کے ذریعہ جانکاری دی ہے کہ ابھی انڈیا الائنس کے اراکین پارلیمنٹ اورلیڈران پُرامن طریقے سے تیس جنوری مارگ پرگاندھی اسمرتی جا رہے ہیں۔
انہوں نے پوسٹ میں لکھا ہے، ’’ہم ان طلبا کویاد کرنے جا رہے ہیں، جنہیں ہم نے کھودیا، وہ بچے جنہیں نیٹ پیپرلیک کے بعد اپنی جان دینے کے لئے مجبورہونا پڑا اورہم ان طلبا کے ساتھ کھڑے ہونے جا رہے ہیں جو آج زخمی ہیں، جنہیں انصاف اورجوابدہی کے لئے پُرامن مطالبہ کرنے پرپیٹا گیا۔ ہندوستان کے طلبا اکیلے نہیں ہیں۔ پورا اپوزیشن ان کے اوران کے مطالبات کے ساتھ کھڑا ہے۔‘‘
Right now, MPs and leaders of the INDIA alliance are peacefully heading to Gandhi Smriti on Tees January Marg.
We go to remember the students we lost – the children driven to take their own lives after the NEET paper leak.
And we go to stand with the students who lie injured…
— Rahul Gandhi (@RahulGandhi) July 23, 2026
انڈیا گیٹ جانا چاہتے تھے اپوزیشن لیڈران
راہل گاندھی نے بعد میں کہا، ’’ہمارے طلبا سڑکوں پر ہیں، اس لئے اپوزیشن کے سبھی اراکین پارلیمنٹ کولگا کہ ہمیں بھی سڑکوں پراترنا چاہئے۔ اپوزیشن کے سبھی اراکین پارلیمنٹ انڈیا گیٹ جانا چاہتے تھے۔ انہوں نے منع کردیا اور ہمیں روک دیا۔ پھرہم نے کہا کہ ہم تیس جنوری (گاندھی اسمرتی) جانا چاہتے ہیں۔ انہوں نے بس یہیں کھڑی کردی ہے۔ ہم آگے نہیں بڑھ پا رہے ہیں، لیکن اہم پیغام طلبا کے لئے ہے۔ ہم آپ کے ساتھ ہیں۔‘‘
#WATCH | Delhi: INDIA bloc MPs, including Lok Sabha LoP and Congress MP Rahul Gandhi, head to Gandhi Smriti as they continue their protest over the NEET paper leak. pic.twitter.com/nEKsNKCWzT
— ANI (@ANI) July 23, 2026
راہل گاندھی کے گھرپہنچیں سونیا گاندھی
اس میٹنگ میں شامل ہونے کے لئے کانگریس پارلیمانی پارٹی کی چیئرپرسن سونیا گاندھی بھی لوک سبھا میں اپوزیشن لیڈرراہل گاندھی کی رہائش گاہ پرپہنچی تھیں۔ ان کے علاوہ آرجے ڈی کے رکن پارلیمنٹ منوج جھا اورکانگریس ایم پی امریندرسنگھ راجا وڈنگ بھی راہل گاندھی کی رہائش گاہ پرپہنچے تھے۔ وہیں، نیشنلسٹ کانگریس پارٹی (شردپوار) کی رکن پارلیمنٹ سپریا سولے بھی ان کی رہائش گاہ پرپہنچی تھیں۔
منوج جھا نے کہا- نوجوانوں میں بہت بے چینی
منوج جھا نے کہا کہ ’’جنترمنتراورالگ الگ ریاستوں میں جو ہو رہا ہے، اسے دیکھئے۔ نوجوانوں میں بہت بے چینی ہے۔ آنے والے وقت میں آپ کو پتہ چل جائے گا کہ ہم کیا کررہے ہیں۔ ملک کے حالات دیکھ کرمجھے تشویش ہو رہی ہے۔‘‘ جبکہ امریندرسنگھ راجا وڈنگ نے میٹنگ سے پہلے کہا تھا، ’’اگرہم اپنا منصوبہ بتا دیں گے، تودشمن بہت محتاط ہیں۔ دہلی پولیس اورامت شاہ کے لوگ پہلے ہی یہاں آچکے ہیں۔ ہم لڑیں گے اورجیتیں گے۔‘‘
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
