Bharat Express DD Free Dish
Bharat Express DD Free Dish
  1. Home » قومی » جسٹس ورما کو ہٹانے کے لئے مواخذہ، راہل گاندھی سمیت 145 اراکین پارلیمنٹ نے کئے دستخط، لوک سبھا اسپیکر کو سونپی گئی تجویز

جسٹس ورما کو ہٹانے کے لئے مواخذہ، راہل گاندھی سمیت 145 اراکین پارلیمنٹ نے کئے دستخط، لوک سبھا اسپیکر کو سونپی گئی تجویز

لوک سبھا میں اپوزیشن لیڈرراہل گاندھی کے علاوہ بی جے پی کے ممبران پارلیمنٹ انوراگ ٹھاکر، روی شنکرپرساد، راجیو پرتاپ روڑی، پی پی چودھری، سپریا سولے اورکے سی وینوگوپال مواخذے کی تحریک پردستخط کرنے والوں میں شامل ہیں۔ پارلیمنٹ اب جسٹس ورما کے خلاف الزامات کی تحقیقات کرے گی۔

سرکاری رہائش گاہ سے نقدی کی وصولی کے معاملے میں جسٹس یشونت ورما کا مواخذہ کرنے کے لئے 145 اراکین پارلیمنٹ کے دستخط شدہ ایک تجویز پیرکے روز (21 جولائی) لوک سبھا اسپیکر اوم برلا کو پیش کی گئی ہے۔ پارلیمنٹ کا مانسون اجلاس آج شروع ہوگیا ہے۔ اگرچہ دونوں ایوانوں کی کارروائی ہنگامہ خیز رہی، لیکن اس دوران لوک سبھا میں جسٹس ورما کوہٹانے کی تجویزاسپیکرکو پیش کی گئی۔

آئین کے آرٹیکل 124، آرٹیکل 217 اور 218 کے تحت، کانگریس، تیلگودیشم پارٹی (ٹی ڈی پی)، جنتا دل یونائیٹڈ (جے ڈی یو)، جنتا دل سیکولر(جے ڈی ایس)، جن سینا پارٹی (جے ایس پی)، آسام گن پریشد (اے جی پی)، شیوسینا (ایکناتھ شندے) سمیت کئی پارٹیوں کے اراکین پارلیمنٹ، اورلوک جن شکتی  پارٹی (ایل جے پی) اور بھارتیہ کمیونسٹ پارٹی-ایم (سی پی ایم) نے مواخذہ لانے سے متعلق یادداشت پر دستخط کیے۔

ان لیڈران نے کئے دستخط

لوک سبھا میں قائد حزب اختلاف راہل گاندھی کے علاوہ بی جے پی ممبران پارلیمنٹ انوراگ سنگھ ٹھاکر، روی شنکرپرساد، راجیوپرتاپ روڑی، پی پی چودھری، سپریا سولے اورکے سی وینوگوپال دستخط کرنے والوں میں شامل ہیں۔ پارلیمنٹ اب جسٹس یشونت ورما کے خلاف الزامات کی تحقیقات کرے گی۔ اس سال 15 مارچ 2025 کودہلی میں جسٹس یشونت ورما کی سرکاری رہائش گاہ سے 500 روپئے کے جلے ہوئے اورآدھے جلے ہوئے نوٹوں کی ایک بڑی تعداد ملی تھی۔

کسی جج کوہٹانے کا کیا ہے عمل؟ 

اس سے قبل اتوارکے روزمرکزی پارلیمانی امورکے وزیرکرن رجیجونے کہا کہ 100 سے زیادہ اراکین پارلیمنٹ نے جسٹس ورما کی برطرفی سے متعلق پارلیمنٹ میں تجویزپیش کرنے کے لئے ایک نوٹس پردستخط کئے ہیں۔ اس طرح لوک سبھا میں جسٹس ورما کے خلاف مواخذے کی تحریک پیش کرنے کے لیے ضروری حمایت حاصل کرلی گئی ہے۔ آپ کو بتا دیں کہ پارلیمنٹ کا اجلاس شروع ہونے سے ایک دن پہلے ہی دہلی میں کل جماعتی میٹنگ کے بعد کرن رجیجونے کہا، “دستخط کا عمل جاری ہے۔ اب تک 100 سے زیادہ ممبران پارلیمنٹ دستخط کرچکے ہیں۔” انہوں نے یہ بھی کہا کہ یہ بزنس ایڈوائزری کمیٹی (بی اے سی) پرمنحصر ہے کہ مواخذے کی تحریک کب پیش کی جائے گی۔ کسی بھی جج کوہٹانے کی تجویز پر لوک سبھا میں کم از کم 100 اورراجیہ سبھا میں 50 ممبران پارلیمنٹ کے دستخط ہونے چاہئے۔ بتایا جا رہا ہے کہ یہ تجویزلوک سبھا میں پیش کئے جانے کا امکان ہے۔

بھارت ایکسپریس اردو-

بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔

Also Read

تازہ ترین خبریں