دہلی اسمبلی انتخابات کے درمیان مہاراشٹر کے سابق وزیر اعلی اور کانگریس لیڈر پرتھوی راج چوہان نے بڑا بیان دیا ہے۔ انہوں نے کہا کہ شاید اروند کجریوال الیکشن جیت جائیں گے۔ تاہم انہوں نے یہ بھی کہا کہ کانگریس بھی میدان میں ہے۔ دہلی میں 5 فروری کو ووٹنگ ہونی ہے اور 8 فروری کو نتائج کا اعلان ہونا ہے۔پرتھوی راج چوان نے کہا کہ دہلی کا الیکشن بہت اہم الیکشن ہے۔ مجھے لگتا ہے کہ شاید وہاں کجریوال جیت جائیں گے۔ کانگریس بھی میدان میں ہے، کانگریس بھی الیکشن لڑے گی۔ اچھا ہوتا اگر کانگریس اور عام آدمی پارٹی کے درمیان اتحاد ہوتا لیکن ایسا لگتا ہے کہ ایسا نہیں ہونے والا ہے۔اور یہاں بیٹھ کر یہ کہنا مشکل ہو گا کہ دہلی میں کیا ہو رہا ہے۔
پرتھوی راج چوہان کو گزشتہ سال مہاراشٹر میں ہونے والے انتخابات میں شکست کا منہ دیکھنا پڑا تھا۔ وہ کرد ساؤتھ سے میدان میں تھے۔ بی جے پی امیدوار نے اس سیٹ پر کامیابی حاصل کی تھی۔مہاراشٹر کے سابق وزیر اعلی نے یہ بیان ایسے وقت میں دیا ہے جب دہلی میں انتخابی مہم اپنے عروج پر ہے۔
Mumbai: On Delhi Vidhan Sabha elections, Former CM of Maharashtra and Congress leader Prithviraj Chavan says, “The Delhi elections are very important, and I believe that Kejriwal will win there. Congress is also in the fray and will contest the elections. It would have been… pic.twitter.com/EbFM7hYB8O
— IANS (@ians_india) January 8, 2025
دہلی کانگریس مسلسل عام آدمی پارٹی اور اروند کجریوال پر حملہ کر رہی ہے۔ اروند کجریوال نئی دہلی سیٹ سے انتخابی میدان میں ہیں۔ یہاں سے کانگریس نے دہلی کی سابق وزیر اعلی شیلا دکشت کے بیٹے سندیپ دکشت کو میدان میں اتارا ہے۔ سندیپ دکشت اس سیٹ سے جیت کا دعویٰ کر رہے ہیں۔ اس کے ساتھ ہی بی جے پی نے اس سیٹ سے سابق ایم پی پرویش ورما کو میدان میں اتارا ہے۔
بھارت ایکسپریس۔
