مدھیہ پردیش کے وزیر اعلیٰ موہن یادو نے مرکزی وزیر داخلہ امت شاہ کا بھوپال پہنچنے پر استقبال کیا۔ سی ایم موہن یادو نے انسٹاگرام پر پوسٹ کرتے ہوئے کہا ’’مرکزی وزیر داخلہ امت شاہ کا راجہ بھوج کے شہر بھوپال پہنچنے پر پرتپاک استقبال کیا گیا۔ آپ کی آمد ہمیں عوامی خدمت کے لیے ہمیشہ نئی توانائی بخشتی ہے۔‘‘
اس سے پہلے بی جے پی اراکین اسمبلی اور اراکین پارلیمان کا ٹریننگ کیمپ آج مدھیہ پردیش کے پہاڑی مقام پچمڑھی میں شروع ہوا۔ مرکزی وزیر داخلہ امت شاہ نے اس کا افتتاح کیا۔ انھوں نے اراکین اسمبلی اور اراکین پارلیمان سے خطاب بھی کیا۔ اس پروگرام میں وزیر اعلیٰ ڈاکٹر موہن یادو اور مرکزی وزیر زراعت شیوراج سنگھ چوہان بھی موجود تھے۔
ٹریننگ کیمپ سے خطاب کرنے کے بعد امت شاہ وہاں سے بھوپال کے لیے روانہ ہوئے۔ اس تین روزہ پروگرام میں مدھیہ پردیش حکومت کے تمام وزراء-ایم ایل اے، لوک سبھا-راجیہ سبھا کے ممبران ٹرینی کے طور پر شرکت کریں گے۔ وزیر اعلیٰ ڈاکٹر موہن یادو پورے تین دن پروگرام میں موجود رہیں گے۔ یعنی اگلے تین دن تک پوری حکومت پچمڑھی سے چلے گی۔
بی جے پی کے سینئر لیڈران کریں گے اس ٹریننگ کیمپ میں شرکت
بی جے پی کی قومی تنظیم کے جنرل سکریٹری بی ایل سنتوش، نیشنل کو آرگنائزیشن جنرل سکریٹری شیو پرکاش، مرکزی وزیر بھوپیندر یادو، سی آر پاٹل، شیوراج سنگھ چوہان، ساوتری ٹھاکر، ایل مروگن، قومی جنرل سکریٹری ونود تاوڑے اور ریاستی انچارج ڈاکٹر مہیندر سنگھ کیمپ میں مختلف سیشنوں سے خطاب کریں گے۔
اس کیمپ سے نہ صرف پارٹی کے نظریے کو تقویت ملے گی بلکہ عوامی نمائندوں کو عوام کے درمیان زیادہ موثر انداز میں کام کرنے کی ترغیب بھی ملے گی۔ ریاستی بی جے پی یونٹ نے اس تقریب کی تیاریوں کے بارے میں معلومات شیئر کی ہیں۔ اس کیمپ میں پارٹی کے 201 عوامی نمائندے شرکت کریں گے، جہاں اقتدار اور تنظیم سے متعلق مسائل پر 24 سیشنوں میں گہرائی سے بات چیت ہوگی۔ وزیر اعلیٰ ڈاکٹر موہن یادو، تمام کابینی وزراء، ایم پی اور ایم ایل اے تین دن تک کیمپ کی جگہ پر رہیں گے۔
11 سال کی کامیابیاں دکھائی جائیں گی
کیمپ میں ایک نمائش کے ذریعے وزیر اعظم نریندر مودی کی 11 سال کی کامیابیوں اور جن سنگھ سے بی جے پی تک کے تاریخی سفر کو دکھایا جائے گا۔ تمام عوامی نمائندوں کو خصوصی پٹکا دیا جائے گا جس سے اس تقریب کے وقار میں مزید اضافہ ہوگا۔ اس کیمپ کی خاصیت ماحولیات کے تئیں اس کا حساس نقطہ نظر بھی ہے۔ پورے پنڈال کو پلاسٹک سے پاک رکھا گیا ہے۔ ماحولیاتی تحفظ کا پیغام دینے کے لیے تمام ایم پی اور ایم ایل اے اپنی ماں کے نام پر ایک ایک درخت لگائیں گے۔ اس کے علاوہ پانی کے تحفظ اور ماحولیاتی تحفظ پر ایک خصوصی سیشن کا بھی اہتمام کیا جائے گا جو اس کیمپ کو مزید خاص بناتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
