مرکزی وزیر داخلہ امت شاہ نے ’’وائبرینٹ ویلیجز پروگرام‘‘ پر ایک دو روزہ ورکشاپ کا افتتاح کیا، جس میں بھارت کے سرحدی اضلاع سے تعلق رکھنے والے اعلیٰ حکام نے شرکت کی۔ اس ورکشاپ کا مقصد سرحدی علاقوں کی ترقی، وہاں کی آبادی کو مقامی سطح پر مستحکم رکھنا اور حکومتی فلاحی اسکیموں کو مکمل طور پر نافذ کرنا ہے۔ اس موقع پر وزیر داخلہ امت شاہ نے کہا کہ ’’مودی حکومت نے یہ پروگرام سرحدی دیہاتوں سے باہری نقل مکانی کو روکنے اور اسکیموں کو 100 فیصد مکمل کرنے کے لیے شروع کیا ہے۔‘‘
سرحدی علاقوں سے تجاوزات ہٹانے کی ہدایت
اس موقع پر امت شاہ نے حکام کو ہدایت دی کہ وہ سرحد سے 30 کلومیٹر کے اندر موجود تمام غیرقانونی تجاوزات کا فوری خاتمہ یقینی بنائیں۔ انھوں نے کہا کہ سرحدی سلامتی اور بنیادی ڈھانچے کی مضبوطی ایک ساتھ چلنی چاہیے۔ وزیر داخلہ نے یہ بھی کہا کہ فوج اور سنٹرل آرمڈ پولیس فورسز (CAPF) کو روزمرہ استعمال کی اشیاء اور دیگر ضروری سامان کی سپلائی مقامی سطح پر کی جائے تاکہ مقامی معیشت کو فروغ ملے اور سرحدی علاقوں میں روزگار کے مواقع پیدا ہوں۔
Inaugurated the two-day workshop on the Vibrant Villages Program attended by officials of the border districts. The Modi government launched this program to prevent outward migration from the border villages and 100 percent saturation of schemes. Instructed the officials to evict… pic.twitter.com/LijXUuh9ma
— Amit Shah (@AmitShah) August 26, 2025
وائبرینٹ ویلیجز پروگرام کے لوگو کی نقاب کشائی
تقریب کے دوران وائبرینٹ ویلیجز پروگرام کے آفیشیل لوگو کی بھی نقاب کشائی کی گئی۔ یہ لوگو اس پروگرام کی نظریاتی روح کی نمائندگی کرتا ہے، جس کا مقصد سرحدی دیہاتوں کو نہ صرف جغرافیائی اہمیت دینا ہے بلکہ انھیں اقتصادی، سماجی اور ثقافتی لحاظ سے بھی ترقی دینا ہے۔ وزیر داخلہ امت شاہ نے زور دیا کہ سرحدی علاقوں کی ترقی صرف انفراسٹرکچر یا فلاحی اسکیموں تک محدود نہیں بلکہ یہ بھارت کی قومی سلامتی کا بھی ایک لازمی حصہ ہے۔ انھوں نے ورکشاپ میں شامل تمام افسران سے کہا کہ وہ زمین پر مؤثر عمل درآمد کو یقینی بنائیں تاکہ سرحدی بستیوں کو خود کفیل اور مستحکم بنایا جا سکے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
