صدرجمہوریہ درودپدی مرمو نے ہری ونش نارائن سنگھ کو راجیہ سبھا کے لئے نامزد کیا ہے۔
نئی دہلی: ہری ونش نارائن سنگھ ایک بارپھرراجیہ سبھا کے ڈپٹی چیئرمین منتخب ہوئے۔ صدرجمہوریہ دروپدی مرمونے انہیں گزشتہ ہفتے راجیہ سبھا کی رکنیت کے لیے نامزد کیا تھا۔ یہ سیٹ سابق چیف جسٹس رنجن گوگوئی کے ریٹائرہونے کے بعد خالی ہوئی تھی۔ اسے بھرنے کے لیے جے ڈی یوکے ہری ونش نارائن سنگھ کا انتخاب کیا گیا۔ 69 سالہ ہری ونش 2032 تک راجیہ سبھا میں رہیں گے۔ وزیراعظم مودی نے انہیں راجیہ سبھا کا نائب چیئرمین منتخب ہونے پرمبارکباد دی۔ پی ایم مودی نے کہا، “میری ہری ونش رائے جی کوراجیہ سبھا کا ڈپٹی چیئرمین بننے پرمبارکباد۔ مجھے امید ہے کہ ایوان ہری ونش جی کے تجربے سے فائدہ اٹھائے گا اورایوان کا وقارنئی بلندیوں پر پہنچے گا۔”
Nominated Rajya Sabha MP Harivansh Narayan Singh has been elected unopposed as the Dy Chairman of the Rajya Sabha.
(File Pic) pic.twitter.com/2skF84tsZL
— ANI (@ANI) April 17, 2026
پارلیمنٹ میں ہری ونش کی تیسری میعاد
ہری ونش نارائن سنگھ پہلی باراپریل 2014 میں جنتا دل یونائیٹڈ (جے ڈی یو) کی طرف سے بہارسے راجیہ سبھا کے لیے منتخب ہوئے تھے۔ وہ پہلی بارراجیہ سبھا کے ڈپٹی چیئرمین کے طورپر9 اگست 2018 کومنتخب ہوئے تھے۔ اس کے بعد وہ 14 ستمبر2020 کودوسری بارراجیہ سبھا کے ڈپٹی چیئرمین بنے تھے۔ ہری ونش نارائن سنگھ کی میعاد 9 اپریل 2026 کوختم ہوگئی تھی۔ نتیش کمارکے قریبی ساتھی سمجھے جانے والے ہری ونش اب راجیہ سبھا میں اپنی مسلسل تیسری میعاد شروع کرچکے ہیں، لیکن اس بارانہیں جے ڈی یونے نہیں بلکہ صدرجمہوریہ کے ذریعہ نامزد کرکے بھیجا گیا ہے۔ اب وہ نامزد رکن کے طورپراپنی خدمات انجام دیں گے۔
رکن پارلیمنٹ بننے سے پہلے تھے صحافی
ہری ونش نارائن سنگھ نے اپنے کیریئرکا آغازبطورصحافی کیا۔ تاہم انہوں نے ایک بینک میں بھی کام کیا۔ انہوں نے 1981 سے 1984 تک حیدرآباد اورپٹنہ میں بینک آف انڈیا میں کام کیا۔ تاہم جلد ہی وہ صحافت میں واپس آگئے۔ 1984 سے 1989 تک انہوں نے آنند بازارپبلی کیشنزگروپ کے ہفتہ وارمیگزین سنڈے کے اسسٹنٹ ایڈیٹرکے طورپرخدمات انجام دیں۔ 1990 کی دہائی میں انہوں نے بہاراورجھارکھنڈ کے ایک مشہوراخبار پربھات خبرمیں شمولیت اختیارکی۔ انہوں نے وہاں دودہائیوں سے زائد عرصے تک خدمات انجام دیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
