نابالغ کی عصمت دری اور قتل کے جرم میں ایک شخص کو سزائے موت سنائی گئی :گجرات
بھارت ایکسپریس
POCSO کی ایک خصوصی عدالت نے 2019 میں ایک نابالغ لڑکی کی عصمت دری اور قتل کے الزام میں ایک شخص کو موت کی سزا سنائی ہے۔ خصوصی جج جے اے ٹھاکر نے جمعرات کو سنجے باریا کو موت کی سزا سنائی اور 1.30 لاکھ روپے کا جرمانہ بھی عائد کیا۔
جج نے کہا کہ سنجے باریا نے اس لڑکی کی عصمت دری کی اور گلا گھونٹ دیا، جو اسکی بیٹی سے تھوڑی بڑی تھی۔ یہ ایک گھناؤنا جرم ہے، لیکن باریا کو اپنے کیے پر کوئی پچھتاوا نہیں، اس لیے یہ کیس تھوڑا الگ ہے۔
معلومات کے مطابق 17 مئی 2019 کو سنجے وڈودرا کے گوراج گاؤں کی ایک کچی بستی سے آٹھ سالہ بچی کو اغوا کر کے جھاڑیوں میں لے گیا۔ ملزم نے اس کے ساتھ زیادتی کی اور گلا دبا کر قتل کیا اور پھر جائے وقوعہ سے فرار ہو گیا ۔
جب والدین کو کافی تلاش کے بعد بھی بچی نہ ملی تو انہوں نے پولیس کو اطلاع دی اور اگلی صبح متاثرہ لڑکی کی لاش جھاڑیوں سے ملی۔
چونکہ کچی آبادی سے بچی کے اغوا اور باہر نکلنے کا کوئی چشم دید گواہ نہیں تھا، اس لیے پولیس نے ایک سراغ رساں کتے کی مدد لی، جس کی مدد سے پولیس کو لاش تلاش کرنے اور باریا کو پکڑنے میں مدد ملی، جو اس وقت کچی آبادی میں موجود تھا۔
میڈیکل شواہد کی بنیاد پر عدالت نے باریا کو قصوروار قرار دیا اور ڈسٹرکٹ لیگل ایڈ سروس کو متاثرہ کے خاندان کو معاوضہ ادا کرنے کی بھی ہدایت کی۔
