گجرات میں عام آدمی پارٹی کے رکن اسمبلی امیش مکوانا نے پارٹی کے تمام عہدوں سے استعفیٰ دے دیا ہے۔
گجرات کے وسابدر اسمبلی سیٹ پر جیت کے بعد سے عام آدمی پارٹی جشن منا رہی ہے۔ اس درمیان بوٹاد سے عام آدمی پارٹی کے رکن اسمبلی امیش مکوانا نے اسمبلی میں چیف وہپ عہدے سے استعفیٰ دے دیا۔ انہوں نے جوائنٹ سکریٹری عہدے سے بھی استعفیٰ دے دیا ہے۔ حالانکہ انہوں نے کہا کہ وہ پارٹی میں رہیں گے اوراسمبلی کی رکنیت نہیں چھوڑیں گے۔ مکوانا نے کہا کہ پارٹی نے اپنے نظریات کوچھوڑ دیا ہے، اس لئے استعفیٰ دیا ہے۔ اس سے متعلق انہوں نے دہلی کے سابق وزیراعلیٰ اور پارٹی کنوینراروند کیجریوال کو خط لکھا ہے۔
رکن اسمبلی نے خط میں کیا لکھا؟
اروند کیجریوال کو بھیجے گئے خط میں امیش مکوانا نے کہا کہ جے بھارت، ساتھ میں مطلع کرتا ہوں کہ میں عام آدمی پارٹی میں نیشنل جوائنٹ سکریٹری کے عہدے پرڈھائی سال سے خدمت کررہا ہوں۔ اس کے ساتھ ہی گجرات اسمبلی میں عام آدمی پارٹی کے چیف وہپ کے طورپرخدمت کررہا ہوں۔ فی الحال میری سماجی خدمات کم ہونے سے، میں عام آدمی پارٹی کے تمام عہدے سے استعفیٰ دے رہا ہوں۔ میں ایک کارکن کے طورپرپارٹی کا کام کروں گا۔ مجھے سبھی عہدے پراورذمہ داری سے آزاد کرنے کے لئے میری آپ سے گزارش ہے۔
کانگریس اور بی جے پی پر تنقید
امیش مکوانا نے پریس کانفرنس میں کہا، ”گجرات کی سیاست میں گزشتہ کئی سالوں سے ذات پات کے نظریے کا اثر بڑھ رہا ہے۔ بی جے پی، کانگریس یا دیگرکسی بھی پارٹی میں یہی صورتحال ہے۔ میں نے 2020 سے پہلے بی جے پی چھوڑ کرعام آدمی پارٹی میں شمولیت اختیار کی تھی۔ 2022 میں بوٹاد سے الیکشن لڑا اوررکن اسمبلی بنا، پھرچیف وہپ بھی بنا۔”
عام آدمی پارٹی میں بھی بھید بھاؤ
انہوں نے کہا، ”بی جے پی نے آج تک کولی سماج کے کسی بھی نمائندے کونہ تووزیراعلیٰ بنایا ہے اورنہ ہی ریاستی صدر۔ کانگریس اقتدار سے باہرہونے کے باوجود پسماندہ طبقات کی آوازنہیں بن سکی۔ اپوزیشن کا رول نبھانے میں بھی کانگریس کمزور ثابت ہوئی ہے۔” میں 2027 کے الیکشن میں پسماندہ طبقات کے لوگوں سے تبادلہ خیال کے بعد فیصلہ لوں گا کہ مجھے کیا کرنا ہے۔ نئی پارٹی بناؤں گا یا نہیں، اس کے بارے میں بعد میں جانکاری دوں گا۔ گجرات کے ضمنی انتخاب میں بھی عام آدمی پارٹی میں بھید بھاؤ کی حکمت عملی دیکھنے کو ملی۔
دلت امیدوارکونظرانداز کرنے کا الزام
پاٹیدارلیڈرگوپال اٹالیا کوجتانے کے لئے پارٹی نے پوری طاقت جھونک دی، جبکہ کڈی سیٹ پردلت امیدوارکوپارٹی نے کوئی مدد نہیں دی، اسے لون لے کرالیکشن لڑنا پڑا۔ حال ہی میں گجرات کے وسابدراورکڈی سیٹ پرضمنی الیکشن ہوئے۔ وسابدرسے عام آدمی پارٹی کے امیدوار نے جیت درج کی۔ وہیں کڈی میں عام آدمی پارٹی تیسرے نمبرپررہی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
