ہندی فلموں کے معروف اداکار رندیپ ہڈا نے اپنی والدہ اور بہن کے ساتھ آج وزیر اعظم مودی سے ملاقات کی۔ انھوں نے وزیر اعظم سے ملاقات کو ’’اعزاز‘‘ قرار دیتے ہوئے اس ملاقات کی تصویریں سوشل میڈیا پلیٹ فارم X پر شیئر کی ہیں۔ رندیپ ہڈا حال ہی میں سنی دیول کے ساتھ فلم ’’جاٹ‘‘ میں نظر آئے ہیں۔ اس ملاقات کے دوران ہڈا اور ان کی فیملی نے وزیر اعظم کے ساتھ ہندوستانی سنیما اور فٹ انڈیا کے وزیر اعظم مودی کے وژن پر بات چیت کی۔
وزیر اعظم نریندر مودی کی قیادت نہایت متاثر کن ہے: رندیپ ہڈا
سوشل میڈیا پر وزیر اعظم سے ملاقات کی تصاویر شیئر کرتے ہوئے رندیپ ہڈا نے لکھا ’’ہندوستان کے عزت مآب وزیر اعظم جناب نریندر مودی جی سے ملنا ایک بڑے اعزاز اور فخر کی بات ہے۔ ہمارے عظیم ملک کے مستقبل کے حوالے سے ان کی بصیرت، دانشمندی اور خیالات ہمیشہ بہت متاثر کن ہوتے ہیں۔ ہماری پیٹھ پر ان کی تھپکی ہمارے متعلقہ شعبوں میں اچھا کام کرتے رہنے اور اپنی قوم کی ترقی میں حصہ ڈالنے کے لیے ایک زبردست حوصلہ افزائی کے مترادف ہے۔‘‘
It was a great honour and a privilege to meet the Honourable Prime Minister of India, Shri @narendramodi ji. His insight, wisdom, and thoughts on the future of our great country are always so inspiring. His pat on the back is a great encouragement to keep doing good work in our… pic.twitter.com/h0RQ0PfvR2
— Randeep Hooda (@RandeepHooda) April 21, 2025
ہندوستانی سنیما کی ترقی کے حوالے سے کی بات چیت
اس ملاقات کے دوران ہونے والی بات چیت کے بارے میں بتاتے ہوئے رندیپ ہڈا نے کہا کہ وزیر اعظم کے ساتھ ’’ہندوستانی سنیما کے عالمی عروج اور مستند اسٹوری ٹیلنگ کی طاقت‘‘ کے موضوعات پر بات چیت ہوئی۔ انھوں نے عالمی آڈیو ویژول اینڈ انٹرٹینمنٹ سمٹ (WAVES) کے بارے میں بھی تبادلۂ خیال کیا، جو ممبئی میں یکم مئی سے 4 مئی کے درمیان ہونے والی ہے۔ واضح رہے کہ رندیپ ہڈا کی تازہ ترین فلم ’’جاٹ‘‘ 10 اپریل کو ریلیز ہوئی ہے، جس میں ان کے ساتھ سنی دیول نے مرکزی کردار ادا کیا ہے۔ گزشتہ ہفتے میکرز نے فلم کے دوسرے پارٹ کی بھی تصدیق کی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
