بھارت جوڑو یاترا میں دہلی کے مشہور جیا بینڈ کی گونج، یوپی میں داخل ہوئی یاترا
Bharat Jodo Yatra: دہلی کا جیا بینڈ بہت پرانا اور مشہور بینڈ ہے۔ دہلی سے دوبارہ شروع ہونے والی راہل گاندھی کی بھارت جوڑو یاترا میں دہلی کے مشہور جیا بینڈ کا بھی اہتمام کیا گیا ۔ اس بینڈ کی دھن بھی بھارت جوڑو یاترا کا حصہ بنی۔ بتا دیں کہ دہلی کا جیا بینڈ 1936 سے مسلسل پرفارم کر رہا ہے۔ پرانے زمانے سے جیا بینڈ کی کارکردگی اتنی اچھی رہی ہے کہ آج بھی یہ بینڈ بہت سی وی وی آئی پی شادیوں اور کئی فلموں کی شوٹنگز میں استعمال ہوا ہے۔ آپ اس بینڈ کو کئی فلموں میں سن سکتے ہیں۔
اس بینڈ کا پورے ہندوستان میں ہےکریز
دہلی کا یہ مشہور بینڈ اب تک کرکٹ کی دنیا، سیاسی دنیا، فلمی دنیا سے متعلق کئی مشہور شخصیات کی شادیاں کر چکا ہے۔ اس بینڈ کا دہلی سمیت پورے ہندوستان میں کافی کریز ہے۔ آج دہلی سے شروع ہونے والی راہل گاندھی کی بھارت جوڑو یاترا میں بھی اس بینڈ کی دھن سنائی دی۔ اس بینڈ کی دھن سے لوگ اور کانگریسی کارکنان بھی لطف اندوز ہوئے۔ کانگریس کارکنوں نے جیا بینڈ کی دھن کے ساتھ کانگریس پارٹی کے نعرے پر نعرے لگائے۔
اتر پردیش کے لونی پہنچی یاترا
دہلی سے اتر پردیش کا یہ سفر صبح تقریباً 10 بجے دہلی کے کشمیری گیٹ کے قریب جمنا بازار سے نکلا اور دوپہر کو اتر پردیش کے لونی (غازی آباد) پہنچا۔ جہاں سے یہ ملک کی سب سے بڑی آبادی والی ریاست میں داخل ہو گئی ہے۔ اتر پردیش پہنچنے پر کانگریس کارکنوں اور حامیوں نے راہل گاندھی اور دیگر ‘بھارت یاتریوں’ کا استقبال کیا۔ کانگریس جنرل سکریٹری پرینکا گاندھی واڈرا نے بھی اس یاترا میں حصہ لیا ہے۔ دوسری طرف دہلی پردیش کے لیڈروں نے یاترا کا جھنڈا اتر پردیش کانگریس کمیٹی کے لیڈروں کو سونپا۔
یہ بھی پڑھیں- Bharat Jodo Yatra: راہل گاندھی کے ٹی شرٹ پر پرینکا گاندھی کا جواب، کہا- یہ سچائی کا لباس ہے
نو دن کے وقفے کے بعد آج دوبارہ شروع ہو ئی یاترا
‘بھارت جوڑو یاترا’ نو دن کے وقفے کے بعد آج دوبارہ شروع ہوئی ہے اور اتر پردیش کے بعد ہریانہ، پنجاب اور جموں و کشمیر کے لیے روانہ ہوگی۔ کانگریس تنظیم کے جنرل سکریٹری کے سی.وینوگوپال نے پیر کو کہا تھا کہ یہ یاترا اتر پردیش میں 5 جنوری تک جاری رہے گی۔ 6 جنوری کو ‘بھارت جوڑو یاترا’ ہریانہ میں داخل ہوگی جہاں یہ 10 جنوری تک جاری رہے گی۔ اس کے بعد یاترا 11 جنوری کو پنجاب میں داخل ہوگی اور 19 جنوری کو ایک دن کے لیے ہماچل پردیش بھی جائے گی۔
-بھارت ایکسپریس
