آئی ایم ایف کی میٹنگ سے پہلے ایگزیکٹیو ڈائریکٹر کرشنا مورتی سبرامنین کو مودی حکومت نے برخاست کردیا ہے۔
ہندوستانی حکومت نے انٹرنیشنل مانیٹری فنڈ (آئی ایم ایف) میں ایگزیکٹیوڈائریکٹرکے طورپرتعینات ڈاکٹرکرشنا مورتی سبرامنین کی خدمات کوفوری اثرسے ختم کرنے کومنظوری دے دی ہے۔ وہ یکم نومبر، 2022 سے اس عہدے پرکام تعینات تھے۔ آئی ایم ایف میں سبرامنین کے تین سال کی مدت مکمل ہونے میں ابھی 6 ماہ کا وقت باقی تھا، لیکن اس سے پہلے ہی ہندوستانی حکومت نے ان کی سروس کو ختم کردیا۔ 30 اپریل کو اس بارے میں کابینہ کی تقرری کمیٹی (اے سی سی) کی طرف سے ایک حکم جاری ہوا ہے۔
آئی ایم ایف بورڈ کی ریویو میٹنگ سے پہلے لیا فیصلہ
ہندوستانی حکومت نے یہ فیصلہ پاکستان کودیئے گئے فائنانشیل سہولیات پرآئی ایم ایف بورڈ کی اہم ریویومیٹنگ سے پہلے لیا ہے۔ آئی ایم ایف کارگزاربورڈ، ایکسٹینڈیڈ فنڈ فیسلٹی (ای ایف ایف) اورریزیلنس اینڈ سسٹینبلٹی کی سہولت کے تحت انتظامات کی درخواست کا پہلا جائزہ لینے کے لئے 9 مئی کوپاکستانی حکام سے ملاقات کرے گا۔ کابینہ کی تقرری کمیٹی کی طرف سے جاری فیصلے میں کہا گیا ہے کہ کابینہ کی تقرری کمیٹی نے انٹرنیشنل مانیٹری فنڈ میں ایگزیکٹیوڈائریکٹر(ہندوستان) کے طورپرڈاکٹرکرشنا مورتی سبرامنین کی سروس کو فوری اثرسے معطل کرنے کو منظوری دے دی ہے۔ اس حکم میں سبرامنین کو ہٹانے کی کوئی وجہ نہیں بتائی گئی ہے۔ واضح رہے کہ اے سی سی کی قیادت وزیراعظم کرتے ہیں۔
Services of Dr Krishnamurthy Subramanian as Executive Director (India) at the International Monetary Fund terminated with immediate effect: Govt of India pic.twitter.com/IxB6qahdmn
— ANI (@ANI) May 3, 2025
ہندوستان کے چیف اکنامک ایڈوائزررہ چکے ہیں سبرامنین
کرشنامورتی سبرامنین بینکنگ، کارپوریٹ سیکٹراوراقتصادی پالیسی میں دنیا کے لیڈنگ ماہرین میں سے ایک شمارکئے جاتے ہیں۔ سبرامنین کے بینکنگ، لا اینڈ فائنانس، انوویشنش اکنامک گروتھ اورکارپوریٹ گورننس جیسے کئی موضوعات پرکئے گئے ریسرچ پیپردنیا کے اہم جرنلس میں شائع ہوچکے ہیں۔ وہ ریزرو بینک آف انڈیا (آربی آئی) کے سابق گورنررگھورام راجن کی نگرانی میں بوتھ اسکول آف بزنس، شیکاگویونیورسٹی سے پی ایچ ڈی ہولڈرہیں۔ ساتھ ہی انہوں نے انڈین انسٹی ٹیوٹ آف ٹکنالوجی (آئی آئی ٹی) اورانڈین انسٹی ٹیوٹ آف منیجمنٹ (آئی آئی ایم) سے تعلیم حاصل کی ہے۔ سبرامنین ہندوستان کے چیف اکنامک ایڈوائزررہ چکے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
