نئی دہلی: دہلی کے لال قلعہ میٹرو اسٹیشن کے قریب پیر کی شام زوردار دھماکہ ہوا، جس میں 10 افراد ہلاک اور درجنوں زخمی ہوگئے۔ اس واقعے پر کانگریس کے رکن پارلیمان اور لوک سبھا میں قائدِ حزبِ اختلاف راہل گاندھی اور کانگریس کی جنرل سیکریٹری پرینکا گاندھی واڈرا نے گہرے رنج و غم کا اظہار کیا ہے۔
راہل گاندھی نے سوشل میڈیا پلیٹ فارم ایکس پر لکھا، ’’لال قلعہ میٹرو اسٹیشن کے قریب کار دھماکے کی خبر نہایت دردناک اور تشویشناک ہے۔ اس حادثے میں کئی معصوم جانوں کے ضیاع کی خبر انتہائی افسوسناک ہے۔ میں اس دکھ کی گھڑی میں سوگوار خاندانوں کے ساتھ کھڑا ہوں اور ان سے دلی ہمدردی کا اظہار کرتا ہوں۔ زخمیوں کی جلد صحتیابی کی امید کرتا ہوں۔‘‘
پرینکا گاندھی واڈرا نے اپنے پیغام میں کہا، ’’دہلی میں ہوئے دھماکے میں کئی افراد کی موت اور متعدد کے زخمی ہونے کی خبر انتہائی افسوسناک ہے۔ ایشور مرنے والوں کی روحوں کو سکون دے۔ متاثرہ خاندانوں کے ساتھ میری گہری تعزیت ہے، اور زخمیوں کے جلد صحتیاب ہونے کی خواہش کرتی ہوں۔‘‘
پُشکر سنگھ دھامی نے کی دھماکے کی مذمت
اتراکھنڈ کے وزیر اعلیٰ پُشکر سنگھ دھامی نے بھی دھماکے کی مذمت کرتے ہوئے کہا کہ یہ واقعہ نہایت دکھ بھرا اور تشویشناک ہے۔ میں متاثرہ خاندانوں اور زخمیوں کے ساتھ ہمدردی کا اظہار کرتا ہوں۔
انہوں نے ریاست کے ڈی جی پی کو ہدایت دی ہے کہ پولیس کو ہائی الرٹ پر رکھا جائے، ریاست کی سرحدوں پر سخت نگرانی کی جائے، اور حساس و بھیڑ بھاڑ والے علاقوں میں سیکورٹی کو مزید مضبوط بنایا جائے۔ وزیر اعلیٰ نے کہا کہ عوام کی حفاظت ریاستی حکومت کی اولین ترجیح ہے، اور کسی بھی سطح پر غفلت برداشت نہیں کی جائے گی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
