کانگریس کے رکن پارلیمنٹ راہل گاندھی۔ (فائل فوٹو)
نئی دہلی: کانگریس ’ووٹ چوری‘ مہم کوتیزکرنے کے لئے سوشل میڈیا پرمسلسل ایک کے بعد ایک ویڈیوجاری کررہا ہے۔ اس بارجاری کئے گئے ویڈیومیں دکھایا جا رہا ہے کہ کیسے لوگوں کے ووٹوں کی چوری ہو رہی ہے۔ اپوزیشن لیڈرراہل گاندھی نے ایکس پرویڈیوشیئرکرتے ہوئے حکومت پرتنقید کی۔ انہوں نے لکھا کہ اب اورنہیں، عوام بیدار ہوگئی ہے۔
اس سے پہلے بھی کانگریس صدرملیکا ارجن کھڑگے اوراپوزیشن لیڈرراہل گاندھی نے فرضی ووٹ ڈالنے سے متعلق ایک ویڈیوشیئرکیا تھا۔ ویڈیوکے ذریعہ ملیکا ارجن کھڑگے نے لوگوں سے گزارش کی کہ وہ اپنی آوازاٹھائیں اورآئینی اداروں کوبی جے پی کے چنگل سے بچانے میں ان کی مدد کریں۔
راہل گاندھی نے شیئرکیا ویڈیو
راہل گاندھی نے ’ووٹ چوری‘ مہم کووسیع پیمانے پرپھیلانے کے لیے ایک اورویڈیوجاری کیا۔ کانگریس لیڈرراہل گاندھی نے اس ویڈیوکو انسٹا گرام پرپوسٹ کرتے ہوئے بی جے پی کونشانہ بنایا۔ راہل گاندھی نے لکھا کہ چوری چوری… لیکن اب نہیں، عوام اب بیدارہوچکی ہے۔ جبکہ پرینکا گاندھی نے ویڈیوشیئرکرتے ہوئے لکھا کہ کیا آپ کا ووٹ چوری ہوگیا ہے؟ مزید، انہوں نے لکھا کہ اب نہیں، ووٹ چوری بند کرو۔
ویڈیو میں کیا ہے؟
کانگریس کی جانب سے سوشل میڈیا پرشیئرکی گئی ویڈیومیں دیکھا جاسکتا ہے کہ ایک شخص اپنے ووٹ کی چوری کی اطلاع دینے پولس اسٹیشن جا رہا ہے۔ پولیس پوچھتی ہے کہ ووٹ کیسے چوری ہوتے ہیں۔ اس حوالے سے مذکورہ شخص کا کہنا ہے کہ ایک نہیں بلکہ لاکھوں ووٹ چوری ہورہے ہیں۔ انہوں نے بتایا کہ ووٹرلسٹ سے نام ہٹاکراورجعلی ووٹ ڈال کرووٹ چوری کئے جا رہے ہیں۔ اس کے بعد پولیس والے آپس میں باتیں کرتے ہیں اورکہتے ہیں کہ کہیں ہمارا ووٹ توچوری نہیں ہوگیا۔
चोरी चोरी, चुपके चुपके…
अब और नहीं, जनता जाग गई है।#StopVoteChori pic.twitter.com/7mrheHSMh3— Rahul Gandhi (@RahulGandhi) August 16, 2025
اس سے پہللے بھی جاری ہوچکا ہے ایک ویڈیو
یہ ووٹ چوری مہم سے متعلق پہلا ویڈیو نہیں ہے، بلکہ اس سے پہلے بھی کانگریس ایک ویڈیو شیئر کرچکی ہے، جس میں دکھایا گیا ہے کہ فرضی ووٹ کیسے ڈالا جاتا ہے۔ راہل گاندھی نے اس ویڈیوکوشیئرکرتے ہوئے کیپشن دیا تھا کہ آپ کے ووٹ کی چوری آپ کے حقوق کی چوری ہے اورآپ کی پہچان کی چوری ہے۔ واضح رہے کہ کانگریس نے اس مہم سے جڑنے کے لئے لوگوں کے لئے ایک ویب پورٹل لانچ کیا ہے۔ اس ویب پورٹل کا مقصد ہے کہ لوگ ووٹ چوری کے خلاف الیکشن کمیشن سے جوابدہی کا مطلبہ کرسکیں۔ کانگریس نے لوگوں سے اپیل کی کہ وہ votechori.in/ecdemand پررجسٹریشن کرکے اس مہم کے خلاف ان کی حمایت کرسکتے ہیں۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
