نئی دہلی: کانگریس صدرملیکارجن کھڑگے وزیراعظم نریندرمودی کے خلاف اپنے متنازعہ ریمارکس سے متعلق بڑھتے ہوئے دباؤکا سامنا کررہے ہیں۔ الیکشن کمیشن آف انڈیا نے کانگریس صدرملکارجن کھڑگے کے ذریعہ وزیراعظم نریندرمودی کودہشت گرد کہے جانے کے معاملے میں سنجیدگی سے نوٹس لیا ہے اورکھڑگے کونوٹس جاری کیا ہے۔ الیکشن کمیشن نے کھڑگے کو اپنا موقف واضح کرنے اور24 گھنٹے کے اندرجواب دینے کی ہدایت دی ہے۔ اس سے پہلے بی جے پی نے ملیکارجن کھڑگے سے معافی مانگنے کا مطالبہ کیا تھا اورالیکشن کمیشن سے اس طرح کی زبان پرپابندی لگانے کی اپیل کی تھی۔
بی جے پی کے ایک وفد نے بدھ کے روزالیکشن کمیشن سے ملاقات کی۔ نرملا سیتارامن سمیت تین مرکزی وزراء پرمشتمل اس وفد نے کانگریس صدرملکارجن کھڑگے کے خلاف وزیراعظم نریندرمودی کے خلاف ان کے “دہشت گرد” والے ریمارکس کے لئے سخت کارروائی کا مطالبہ کیا۔ کمیشن نے اب کھڑگے کونوٹس جاری کرکے جواب طلب کیا ہے۔
بی جے پی کے وفد نے کی شکایت
کمیشن سے میٹنگ کے بعد صحافیوں سے بات چیت کرتے ہوئے نرملا سیتا رمن نے کہا، ”آج ہم پورے کمیشن کے سامنے یہ بتانے کے لئے پیش ہوئے کہ کانگریس صدر اورراجیہ سبھا میں اپوزیشن لیڈرکے علاوہ کسی اورنے اتنے برے لفظ کا استعمال نہیں کیا ہے۔“ وزیرخزانہ نرملا سیتا رمن نے کہا کہ ملیکا رجن کھڑگے نے تمل ناڈومیں ایک پریس کانفرنس کوخطاب کرتے ہوئے وزیراعظم کو دہشت گرد کہا، جو ایک انتخابی ریاست ہے، جس سے کانگریس کی ذہنیت اجاگرہوتی ہے۔
کیا ہے پورا معاملہ؟
چنئی میں کانگریس صدر ملیکا رجن کھڑگے نے ایک پریس کانفرنس کے دوران وزیراعظم مودی پرمتنازعہ تبصرہ کیا۔ انہوں نے وزیراعظم مودی کو دہشت گرد کہا۔ حالانکہ بعد میں انہوں نے اس پرصفائی بھی دی۔ کھڑگے نے کہا کہ میں یہ واضح کردینا چاہتا ہوں کہ وزیراعظم مودی ہمیشہ دھمکاتے ہیں۔ سبھی ایجنسیاں ان کے ہاتھوں میں ہیں۔ اس کا استعمال کرکے وہ لوگوں کو ڈراتے اور دھمکاتے ہیں۔ میں نے کبھی یہ نہیں کہا کہ وہ ایک دہشت گرد ہیں۔ میں نے یہ کہا کہ وہ لوگوں کو دہشت زدہ کررہے ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
