کانگریس نے وزیر اعظم نریندر مودی پر آپریشن سندور کا سیاسی فائدہ اٹھانے کا الزام لگایاہے۔ کانگریس کے جنرل سکریٹری جے رام رمیش نے انسٹاگرام پر پوسٹ کیا اور الزام لگایا کہ وزیر اعظم نے 25 مئی کو صرف این ڈی اے کی حکومت والی ریاستوں کے وزرائے اعلیٰ کی میٹنگ بلائی ہے تاکہ آپریشن سندور سے سیاسی فائدہ اٹھایا جا سکے۔حکومت پاکستان بھارت کے خلاف جھوٹی خبریں پھیلانے میں مصروف ہے۔ اس حوالے سے مرکزی حکومت نے منصوبہ بنایا ہے کہ ہندوستان کی مختلف سیاسی جماعتوں کے رہنما بیرون ملک جا کر ہندوستان کا موقف پیش کریں گے۔ اس پر جے رام رمیش نے کہا کہ کانگریس یقینی طور پر بین الاقوامی وفد کا حصہ بنے گی۔
وزیراعظم مودی کانگریس کو بدنام کر رہے ہیں
کانگریس لیڈر جے رام رمیش نے الزام لگایا کہ پی ایم مودی اور بی جے پی مسلسل کانگریس کو بدنام کر رہے ہیں حالانکہ اس نے پاکستان کے خلاف ہندوستان کی فوجی کارروائی کے دوران تمام جماعتوں کے درمیان اتحاد کا مطالبہ کیا تھا۔انہوں نے کہاکہ وزیراعظم نے پارلیمنٹ کا خصوصی اجلاس بلانے پر اتفاق نہیں کیا ہے۔ اب اچانک انہوں نے پاکستان کو دہشت گردی پر ہندوستان کے موقف کی وضاحت کے لیے ایک وفد بیرون ملک بھیجنے کا فیصلہ کیا ہے۔ کانگریس ہمیشہ قومی مفاد کو دیکھتی ہے اور بی جے پی کی طرح ان مسائل پر سیاست نہیں کرتی، اس لیے کانگریس ان وفود کا ضرور حصہ بنے گی۔انہوں نے کہا کہ پارلیمانی امور کے وزیر کرن رجیجو نے اس سلسلے میں پارٹی صدر ملکارجن کھرگے سے بات کی ہے۔
The PM has called for a meeting of ONLY NDA Chief Ministers on May 25th to take political mileage from Operation Sindoor.
But he now wants MPs from all parties to go abroad as a delegation for explaining India’s stance on terrorism from Pakistan.
The diplomatic initiative is…
— Jairam Ramesh (@Jairam_Ramesh) May 16, 2025
اس سے پہلے کانگریس کے قومی صدر ملکارجن کھرگے اور لوک سبھا میں اپوزیشن لیڈر راہل گاندھی نے پارلیمنٹ کا خصوصی اجلاس بلانے کے لیے پی ایم مودی کو خط لکھا تھا۔ 22 اپریل کو جموں و کشمیر کے پہلگام میں دہشت گردوں نے 26 لوگوں کو ہلاک کیاتھا، جن میں زیادہ تر سیاح تھے۔ اس کے بعد بھارت نے آپریشن سندور کے تحت پاکستان اور پاکستان کے زیر قبضہ کشمیر (پی او کے) میں دہشت گردوں کے کئی ٹھکانوں کو نشانہ بنایا۔اس کے بعد پھر دونوں ملکوں کے مابین دو تین دنوں تک جنگ کی صورتحال برقرار رہی، پھر اس کے بعد سیز فائر معاہدہ طے پاگیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
