Sports For All: بھارت ایکسپریس کے سی ایم ڈی اُپیندر رائے کی دہلی میں شوٹنگ چیمپئن شپ میں بطور مہمان خصوصی شرکت، نوجوان شرکاء کا بڑھایا حوصلہ

’’اسپورٹس فار آل‘‘ کا چھٹا ایئر رائفل اور ایئر پسٹل انعامی پروگرام نئی دہلی میں ڈاکٹر کرنی سنگھ شوٹنگ رینج میں منعقد کیا جا رہا ہے۔ اس مقابلے میں ملک بھر سے ہزاروں نوجوان شوٹرز حصہ لے رہے ہیں۔ اس مقابلے میں ہزاروں نوجوانوں میں سے 100 باصلاحیت شوٹرز کو اسپانسر شپ فراہم کی جائے گی۔ آج بھارت ایکسپریس کے چیئرمین، منیجنگ ڈائریکٹر (سی ایم ڈی) اور ایڈیٹر ان چیف اُپیندر رائے نے اس میں شرکت کی اور خود بھی شوٹنگ کا تجربہ کیا۔

بھارت ایکسپریس کے سی ایم ڈی اور چیف ایڈیٹر اُپیندر رائے کا ’’اسپورٹس فار آل‘‘ فاؤنڈیشن کے منتظمین نے شاندار استقبال کیا۔ اس دوران انھوں نے سی ایم ڈی اُپیندر رائے کو اعزاز سے بھی نوازا۔ وہیں سی ایم ڈی اُپیندر رائے نے فاؤنڈیشن کے اہم عہدیدار کھیم چند شرما اور ان کی ٹیم کی کوششوں کی تعریف کی۔

سی ایم ڈی اُپیندر رائے نے شوٹنگ میں آزمایا ہاتھ

اس موقع پر سی ایم ڈی اُپیندر رائے نے شوٹنگ رینج میں پستول اٹھا کر خود بھی شوٹنگ میں ہاتھ آزمائے۔ انھوں نے بتایا کہ ان کے پاس پہلے سے ہی پستول کا لائسنس ہے اور پہلی مرتبہ جب انھوں نے شوٹنگ کی تھی تو ہر مرتبہ انھوں 9.5 فیصد اسکور کیا۔ اس تجربے کو انھوں نے اپنے انسٹاگرام اور ایکس پر بھی شیئر کیا۔ سی ایم ڈی اُپیندر رائے نے کہا کہ ’’میں نے یہاں شوٹنگ کرنے کی کوشش کی۔ پہلی بار جب میں نے تین مرتبہ چانس لیا، تو تینوں مرتبہ 9.5 فیصد اسکور کیا۔‘‘ ان کی شرکت سے پروگرام میں ایک نئی توانائی آئی۔

اسپورٹس فار آل فاؤنڈیشن کی بہترین پہل

اس ایونٹ میں اسپورٹس فار آل فاؤنڈیشن نے نوجوان شوٹرز کے لیے سنہرا موقع پیش کیا ہے۔ فاؤنڈیشن اب تک 12000 سے زائد بچوں کو اس چیمپئن شپ میں شرکت کا موقع دے چکی ہے۔ پروگرام میں 10 ہزار سے زائد زائرین موجود تھے جس سے اس کی مقبولیت کا اندازہ ہوتا ہے۔ فاؤنڈیشن کی کوششوں کو سراہتے ہوئے سی ایم ڈی اُپیندر رائے نے کہا کہ ’’اسپورٹس فار آل فاؤنڈیشن شوٹنگ کو فروغ دینے کے لیے بہت سرگرم ہے۔ یہ ایک بے لوث کام ہے جس میں انھیں کچھ حاصل نہیں ہوتا، بلکہ دن رات محنت کرنی پڑتی ہے۔‘‘

کھیم چند شرما اور ان کی ٹیم کی تعریف

فاؤنڈیشن کے بانی کھیم چند شرما نے گاؤں کے باصلاحیت بچوں کو تربیت دینے کے بارے میں بات کی۔ انھوں نے کہا کہ ہم ان بچوں کو تربیت دے رہے ہیں جو پیچھے ہیں لیکن ان میں صلاحیت موجود ہے۔ کھیم چند شرما نے بھارت ایکسپریس کے چیئرمین، منیجنگ ڈائریکٹر (سی ایم ڈی) اور ایڈیٹر ان چیف اُپیندر رائے کو ’’بڑے بھائی صاحب‘‘ کہہ کر مخاطب کیا اور ان کی صحافتی شخصیت کی تعریف کی۔ سی ایم ڈی اُپیندر رائے نے بھی کھیم چند شرما کی ٹیم کی کاوشوں کی تعریف کی اور کہا کہ ’’کھیم چند شرما کی ٹیم کے لیے جتنی بھی تعریف کی جائے وہ کم ہے۔ انھوں نے نہ صرف نوجوانوں کو شوٹنگ کے لیے پلیٹ فارم مہیا کیاہے، بلکہ ہر شریک کے لیے کھانے اور رہائش کا انتظام بھی کیا۔‘‘

مودی حکومت کی کھیلوں کی پالیسیوں کی ستائش

اس دوران سی ایم ڈی اُپیندر رائے نے موجودہ حکومت کی کھیلوں کی پالیسیوں کی تعریف کی۔ انھوں نے کہا کہ ’’بی جے پی حکومت کے 11 سالوں میں کھیلوں کے میدان میں انقلابی تبدیلیاں آئی ہیں۔ اولمپکس اور کامن ویلتھ گیمز میں میڈل جیتنے والوں کی تعداد میں اضافہ ہوا ہے۔ مودی حکومت کی کوششوں کی جتنی تعریف کی جائے وہ کم ہے۔‘‘ انھوں نے مزید کہا کہ کھیلوں کے فروغ کے لیے گاؤں کی سطح سے آغاز کرنا ضروری ہے، تب ہی عالمی سطح پر تبدیلی نظر آئے گی۔

اسپورٹ فار آل: شوٹنگ کے لیے بڑا پلیٹ فارم

اس پروگرام نے نہ صرف نوجوانوں کو شوٹنگ (شوٹنگ چیمپئن شپ) سیکھنے کا موقع فراہم کیا بلکہ ان کے لیے اسپانسر شپ اور حوصلہ افزائی بھی کی۔ بہت سے شوٹرز نے کہا کہ انھیں دہلی کا دورہ کرنے اور شوٹنگ رینج دیکھنے کا پہلا موقع ملا۔ سی ایم ڈی اُپیندر رائے نے زور دے کر کہا کہ باہمی تعاون کے جذبے سے ہی ملک کے کھیلوں کو نئی بلندیوں تک لے جایا جا سکتا ہے۔ انھوں نے خود غرضی کو رکاوٹ قرار دیا اور سماج سے اتحاد کی اپیل کی۔

اسپورٹس فار آل 2025 کے اس ایونٹ نے نہ صرف شوٹنگ کے ٹیلنٹ کو سامنے لایا ہے بلکہ معاشرے میں کھیلوں کے کلچر کو فروغ دینے کا پیغام بھی دیا ہے۔ سی ایم ڈی اُپیندر رائے اور کھیم چند شرما جیسے لوگوں کی کوششوں نے یہ واضح کر دیا کہ صحیح سمت اور لگن سے ملک کے نوجوان بین الاقوامی سطح پر اپنی شناخت بنا سکتے ہیں۔ یہ پروگرام 12 جولائی سے 21 جولائی 2025 تک چلے گا اور آنے والے دنوں میں اس کے مزید بہتر ہونے کی امید ہے۔

بھارت ایکسپریس اردو