بی جے پی کے نئے قومی صدر اور اتر پردیش کے پارٹی سربراہ کی تقرری کو لے کر چل رہی بات چیت کے ساتھ ہی قیاس آرائیاں بھی تیز ہو گئی ہیں۔ اس درمیان آج ہفتہ کے روز اتر پردیش کے وزیر اعلی یوگی آدتیہ ناتھ نے دہلی میں وزیر اعظم نریندر مودی اور موجودہ بی جے پی صدر جے پی نڈا سے ملاقات کی۔
ذرائع کے مطابق اس دورے سے اتر پردیش میں سیاسی بحث شروع ہو گئی ہے۔ خاص طور پر اس بات پر غور کرتے ہوئے کہ بی جے پی میں مرکزی اور ریاستی دونوں سطح پر تقرریاں زیر التوا ہیں۔ اس کے علاوہ اتر پردیش کے نائب وزیر اعلیٰ کیشو پرساد موریہ اور برجیش پاٹھک نے بھی حال ہی میں دہلی میں مرکزی وزیر داخلہ امت شاہ سے ملاقات کی۔ اس میٹنگ نے دہلی اور اتر پردیش دونوں میں ممکنہ سیاسی تبدیلیوں کے بارے میں قیاس آرائیوں کو ہوا دی ہے۔
Chief Minister of Uttar Pradesh, Shri @myogiadityanath, met Prime Minister @narendramodi.@CMOfficeUP pic.twitter.com/ugcrolGB43
— PMO India (@PMOIndia) July 19, 2025
سی ایم یوگی کے اس دہلی دورے کے بعد سیاسی حلقوں میں ریاستی بی جے پی قیادت میں ممکنہ تبدیلیوں کو لے کر نئی بحث چھڑ گئی ہے۔ ایک سابق ریاستی بی جے پی صدر نے کہا کہ ’’وزیر اعلیٰ کا دورہ دہلی ممکنہ قیادت کی تبدیلی کے لحاظ سے اہم ہے۔ یوپی بی جے پی کے نئے صدر کے عہدے کے لیے کئی ناموں پر غور کیا جا رہا ہے اور یہ دورہ فیصلہ سازی کے اس عمل سے متعلق ہو سکتا ہے۔‘‘
आज नई दिल्ली में @BJP4India के माननीय राष्ट्रीय अध्यक्ष एवं केंद्रीय मंत्री श्री जगत प्रकाश नड्डा जी से शिष्टाचार भेंट की।
अपना अमूल्य समय प्रदान करने के लिए आपका हार्दिक आभार!@JPNadda pic.twitter.com/vM0QCioByE
— Yogi Adityanath (@myogiadityanath) July 19, 2025
پارٹی کے سینئر لیڈروں کا کہنا ہے کہ زیر غور ناموں میں کیشو پرساد موریہ، ریکھا ورما، بی ایل ورما، شری کانت شرما اور ڈاکٹر دنیش شرما شامل ہیں۔ بی جے پی برہمن اور او بی سی فیکٹر پر بھی اپنی حکمت عملی کا جائزہ لے رہی ہے، حالاں کہ آخر میں کسی حیران کن نام کے سامنے آنے کی توقع سے بھی انکار نہیں کیا جا سکتا۔
او بی سی سے ہو سکتا ہے بی جے پی کا نیا ریاستی سربراہ
ریاستی بی جے پی کے ایک اور سابق سربراہ نے کہا کہ ’’چوں کہ وزیر اعلیٰ اعلیٰ ذات سے ہیں، اس لیے امکان ہے کہ پارٹی کا نیا سربراہ او بی سی سے ہو گا۔ اس کردار کے لیے کسی خاتون کو مقرر کرنے پر بھی بات چیت ہو رہی ہے۔‘‘ بی جے پی ذرائع نے بتایا کہ آر ایس ایس نے ایسے ریاستی صدر کا انتخاب کرنے کی خواہش ظاہر کی ہے جو آئندہ انتخابات کے لیے حکومت اور پارٹی مشینری دونوں کے ساتھ مؤثر طریقے سے کام کر سکے۔
آر ایس ایس اور انتظامیہ کے درمیان کسی قسم کے اختلافات سے بچنے کے لیے تقرری کو حتمی شکل دینے سے پہلے آر ایس ایس یوگی آدتیہ ناتھ کی منظوری لے رہی ہے۔ نئے ریاستی صدر آنے والے پنچایتی انتخابات اور بعد میں اتر پردیش میں 2027 کے اسمبلی انتخابات کی تیاری میں کلیدی کردار ادا کریں گے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
