رام مندر کے باہر کانگریس لیڈروں کے ساتھ جھڑپ
ایودھیا میں رام مندر کے باہر رام للا کے دیدار کے لیے آئے ہوئے کانگریسی لیڈروں سے کچھ لوگوں کی جھڑپ ہوئی۔ کانگریسی لیڈروں کے ساتھ بدتمیزی کی گئی۔ کانگریس کا جھنڈا چھین کر پھاڑ دیا گیا۔ کانگریس کارکنوں نے احتجاج کیا تو انہیں بھگا دیا گیا۔ اس دوران کچھ فاصلے پر موجود پولیس پہلے تو خاموش تماشائی بنی رہی اور پھر جب معاملہ آگے بڑھ گیا تو جھنڈا چھیننے والے لوگوں کو روکنے کی کوشش کی گئی۔ یہ واقعہ ایسے وقت میں پیش آیا ہے جب کانگریس کے ریاستی صدر اجے رائے کے ساتھ پارٹی لیڈروں کا ایک گروپ رام للا کے درشن کرنے ایودھیا پہنچا ہے۔ دریں اثنا، اس واقعہ سے کانگریسیوں میں شدید غصہ پھیل گیا ہے۔
اس دوران موقع پر موجود مہیلا کانگریس ضلع ایودھیا کی صدر رینو رائے نے کہا کہ ہمارے لوگ یہاں رام للا کے درشن کرنے آئے تھے۔ کچھ شر پسندوں نے ہماری پارٹی کا جھنڈا چھین لیا اور گالیاں دینا شروع کر دیں۔ کانگریس کارکنوں پر حملہ کرنے کی کوشش کی گئی۔ جئے شری رام کے نعرے لگا کر گالی دی گئی۔ رینو رائے نے کہا کہ یہ مندر کسی ایک پارٹی کا نہیں ہے۔ یہ مندر تمام لوگوں کا ہے۔
#WATCH | Few people seen vandalising Congress flag outside Ayodhya Ram temple
A Congress delegation comprising Ajay Rai and Deepender Hooda is on Ayodhya visit today pic.twitter.com/fTSOSUurpI
— ANI UP/Uttarakhand (@ANINewsUP) January 15, 2024
واقعہ کے بعد موقع پر کانگریس لیڈران کا اجتماع شروع ہوگیا ہے۔ کانگریس کی طرف سے ہنگامہ آرائی اور نعرے بازی شروع ہوگئی۔ کچھ لوگ متحد ہو کر کانگریس کے خلاف نعرے لگانے لگے ہیں۔ ان کا کہنا ہے کہ یہاں رام مندر یا ملک کا جھنڈا لے کر آنا چاہیے۔ یہاں کانگریس کا جھنڈا لانے کی کیا ضرورت ہے؟
بھارت ایکسپریس۔
