صدر جمہوریہ دروپدی مرمو کے ساتھ سپریم کورٹ کے جج اور ان کی فیملی۔
ہندوستان کے چیف جسٹس ڈاکٹر ڈی وائی چندر چوڑ اپنی فیملی کے ساتھ راشٹرپتی بھون کے ’امرت ادیان‘ (پہلے مغل گارڈن) پہنچے۔ اس کے علاوہ سپریم کورٹ کے دیگر ججوں نے بھی اپنی فیملی کے ساتھ راشٹرپتی بھون کے امرت گارڈن کی خوبصورتی کا لطف اٹھایا۔
سپریم کورٹ کے چیف جسٹس ڈی وائی چندر چوڑ اورسپریم کورٹ کے دیگر ججوں کو صدر جمہوریہ دروپدی مرمو کے ذریعہ راشٹرپتی بھون کے ’امرت ادیان‘ کا دورہ کرنے کے لئے خصوصی طور پر دعوت دی گئی تھی۔ سپریم کورٹ کے ججوں نے ’امرت ادیان‘ کے رنگ برنگے اور مختلف اقسام کے پھولوں کو دیکھا۔ وہیں راشٹرپتی بھون کی طرف سے ایک ویڈیو بھی شیئرکیا گیا ہے۔
ججوں کی فیملی کے ساتھ صدرجمہوریہ نے کھنچوائی تصویر
راشٹرپتی بھون کے ’امرت ادیان‘ پہنچے سپریم کورٹ کے ججوں کے ساتھ صدر جمہوریہ دروپدی مرمو نے تصویر بھی کھنچوائی۔ چیف جسٹس آف انڈیا ڈی وائی چندر چوڑ یہاں اپنی اہلیہ اور دونوں بیٹوں کے ساتھ پہنچے تھے۔
On a special invitation by President Droupadi Murmu, Chief Justice of India, Dr Justice D.Y. Chandrachud and judges of the Supreme Court visited the Amrit Udyan of Rashtrapati Bhavan. @RBVisit pic.twitter.com/uXxrsHNBH8
— President of India (@rashtrapatibhvn) February 5, 2023
مغل گارڈن کا نام بدل کر کیا گیا امرت ادیان
سپریم کورٹ کے ججوں کا یہ دورہ اس لئے بھی اہم ہے، کیونکہ حال ہی میں اس گارڈن کا نام مغل گارڈن سے بدل کر ’امرت ادیان‘ کردیا گیا ہے۔ اس کا نام تبدیل کئے جانے کے بعد اس پر سیاست بھی گرما گئی ہے۔ صدر جمہوریہ دروپدی مرمو نے آزادی کے 75 سال پورے ہونے کے بعد منائی جارہی تقریب کو ‘آزادی کا امرت مہوتسو’ کے طور پر مغل گارڈن کو ’امرت ادیان‘ کا نام دیا۔ نام بدلنے سے متعلق صدر جمہوریہ کی ڈپٹی پریس سکریٹری نویکا گپتا نے حکم نامہ جاری کیا تھا، جس کے بعد سے اس کا نام ’امرت ادیان‘ کردیا گیا۔
#WATCH | On a special invitation by President Droupadi Murmu, Chief Justice of India Dr Justice DY Chandrachud and judges of the Supreme Court visited the Amrit Udyan of Rashtrapati Bhavan in Delhi today.
(Video: Office of the President) pic.twitter.com/LbWAsZ2yIo
— ANI (@ANI) February 5, 2023
31 جنوری سے عام لوگوں کے لئے کھولا گیا امرت گارڈن
راشٹرپتی بھون کے ’امرت ادیان‘ کو گزشتہ ماہ 31 جنوری سے عام لوگوں کے لئے کھولا گیا ہے۔ بتایا جا رہا ہے کہ یہ 26 مارچ 2023 تک عام لوگوں کے لئے کھلا رہے گا۔ امرت گارڈن کی خوبصورتی کا نظارہ زیادہ سے زیادہ لوگ کرسکیں گے۔ اس کے لئے ہرایک گھنٹے کے سلاٹ کو بھی بڑھایا گیا ہے۔ صبح 10 بجے سے شام 4 بجے کے درمیان ایک گھنٹے کے 6 سلاٹ میں لوگوں کو جانے کی اجازت ہے۔ ایک سلاٹ میں مقررہ تعداد میں لوگوں کو جانے کی اجازت ملتی ہے۔
-بھارت ایکسپریس
