چھتیس گڑھ کے وزیر اعلی وشنو دیو سائے نے جمعہ کو پارلیمنٹ ہاؤس میں مرکزی وزیر داخلہ امت شاہ سے ملاقات کی۔ اس اہم میٹنگ کے دوران وزیر اعلیٰ نے چھتیس گڑھ کی ہمہ گیر ترقی اور نکسل چیلنج کا مقابلہ کرنے کی حکمت عملیوں سے متعلق اہم امور پر تبادلۂ خیال کیا۔ سی ایم دیو سائے نے وزیر داخلہ کو نکسل مخالف آپریشن کے تحت حاصل ہونے والی کامیابیوں اور آگے کے روڈ میپ سے آگاہ کیا۔
انھوں نے کہا کہ ریاست نے گزشتہ ڈیڑھ سال کے دوران نکسل مخالف مہموں میں نمایاں کامیابی حاصل کی ہے۔ دسمبر 2023 سے لے کر اب تک 33 بڑے تصادموں میں کل 445 ماؤنواز بشمول اعلیٰ لیڈروں کو بے اثر کر دیا گیا ہے۔ اس کے علاوہ، 1,554 ماؤنوازوں کو گرفتار کیا گیا ہے اور 1,588 نے ہتھیار ڈال دیے ہیں۔ انھوں نے مزید کہا کہ ریاست ایک جامع ’’انٹیگریٹڈ ڈیولپمنٹ اینڈ سیکورٹی‘‘ پالیسی کے تحت کام کر رہی ہے جس کا مقصد نکسلیوں کے اثر و رسوخ کو مکمل طور پر ختم کرنا ہے۔ اس میں متاثرہ علاقوں میں سڑک کے بنیادی ڈھانچے، تعلیم اور صحت کی دیکھ بھال کی خدمات کی توسیع شامل ہے۔ ان اقدامات سے نہ صرف نکسلیوں کے اثر و رسوخ میں کمی آئی ہے بلکہ انتظامیہ پر عوام کا اعتماد بھی مضبوط ہوا ہے۔
आज संसद भवन में माननीय केंद्रीय गृह मंत्री श्री अमित शाह जी से सौजन्य भेंट कर छत्तीसगढ़ में माओवादी उन्मूलन अभियानों की प्रगति और आगे की रणनीति साझा की।
दिसंबर 2023 से अब तक 33 बड़ी मुठभेड़ों में 445 माओवादी न्यूट्रलाइज़, 1554 गिरफ्तार और 1588 ने आत्मसमर्पण किया है। हमारी विकास… pic.twitter.com/Qj6tLcrI6m
— Vishnu Deo Sai (@vishnudsai) August 1, 2025
اس موقع پر وزیر اعلیٰ نے بستر اور دیگر متاثرہ علاقوں میں سلامتی اور ترقی کو یقینی بنانے میں مسلسل تعاون اور رہنمائی کے لیے مرکزی وزیر داخلہ کا شکریہ ادا کیا۔ وہیں وزیر داخلہ امت شاہ نے چھتیس گڑھ حکومت کے اقدامات کی ستائش کی اور انھیں نکسل ازم کے خلاف لڑائی میں تاریخی قرار دیا۔ انھوں نے جاری مشن میں مرکزی حکومت کی طرف سے مکمل تعاون کا یقین بھی دلایا۔ دریں اثنا دونوں رہنماؤں نے چھتیس گڑھ کے قیام کے 25 سال مکمل ہونے پر منعقد کیے جانے والے ’’امرت رجت مہوتسو 2025‘‘ کی تیاریوں پر بھی تبادلۂ خیال کیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
