مایاوتی نے دھننجے سنگھ کی اہلیہ کا ٹکٹ کاٹ دیا ہے۔ (فائل فوٹو)
بہوجن سماج پارٹی (بی ایس پی) کی سربراہ مایاوتی سے متعلق کہا جا رہا تھا کہ وہ کانگریس کے ساتھ الائنس کرسکتی ہیں اوراپنے پرانے وعدے کو پلٹ سکتی ہیں۔ حالانکہ انہوں نے اس طرح کی خبروں کو افواہ بتایا ہے۔ ساتھ ہی ساتھ دعویٰ کیا ہے کہ ان کی پارٹی اکیلے اپنے دم پرلوک سبھا الیکشن لڑنے جا رہی ہے۔ وہ کسی بھی پارٹی سے الائنس نہیں کریں گی۔ مایاوتی کی پارٹی نے گزشتہ لوک سبھا الیکشن میں سماجوادی پارٹی سے الائنس کیا تھا۔
مایاوتی نے سوشل میڈیا سائٹ ایکس (ٹوئٹر) پرٹوئٹ کرتے ہوئے لکھا، ’’بی ایس پی ملک میں لوک سبھا کے عام انتخابات میں اکیلے اپنے دم پرپوری تیاری اورمضبوطی کے ساتھ الیکشن لڑرہی ہے۔ ایسے میں انتخابی الائنس یا تیسرا مورچہ بنانے کی افواہ پھیلانا بالکل فرضی اورغلط خبرہے۔ میڈیا ایسی شرارتی خبریں دے کراپنی شبیہ داغدارنہ کرے۔ عوام بھی محتاط رہیں۔‘‘
1. बीएसपी देश में लोकसभा का आमचुनाव अकेले अपने बलबूते पर पूरी तैयारी व दमदारी के साथ लड़ रही है। ऐसे में चुनावी गठबंधन या तीसरा मोर्चा आदि बनाने की अफवाह फैलाना यह घोर फेक व गलत न्यूज़। मीडिया ऐसी शरारतपूर्ण खबरें देकर अपनी विश्वसनीयता न खोए। लोग भी सावधान रहें।
— Mayawati (@Mayawati) March 9, 2024
انہوں نے کہا، ’’یوپی میں بی ایس پی کے کافی مضبوطی کے ساتھ اکیلے الیکشن لڑنے کے سبب مخالفین کافی بے چین لگتے ہیں، اس لئے یہ آئے دن قسم قسم کی افواہیں پھیلاکر لوگوں کوگمراہ کرنے کی کوشش کرتے رہتے ہیں، لیکن بہوجن سماج کے مفاد میں بی ایس پی کا اکیلے الیکشن لڑنے کا فیصلہ برقرارہے۔‘‘
2. ख़ासकर यूपी में बीएसपी की काफी मज़बूती के साथ अकेले चुनाव लड़ने के कारण विरोधी लोग काफी बैचेन लगते हैं। इसीलिए ये आए दिन किस्म-किस्म की अफवाहें फैलाकर लोगों को गुमराह करने का प्रयास करते रहते हैं। किन्तु बहुजन समाज के हित में बीएसपी का अकेले चुनाव लड़ने का फैसला अटल।
— Mayawati (@Mayawati) March 9, 2024
مایاوتی نے تلنگانہ میں بی آرایس سے کیا الائنس
سیاسی گلیاروں میں بحث تھی کہ مایاوتی کانگریس سے ہاتھ ملا سکتی ہیں اوران کی پارٹی یوپی کے علاوہ دیگرریاستوں میں بھی الائنس کے لئے ساتھی کی تلاش میں ہے۔ ایسا اس لئے بھی کہا جا رہا تھا کہ گزشتہ لوک سبھا الیکشن کے دوران مایاوتی نے اکیلے دم پرانتخابی میدان میں اترنے کا فیصلہ کیا تھا، لیکن بعد میں سبھی کوحیران کردیا تھا۔ انہوں نے اپنے مخالف سماجوادی پارٹی سے الائنس کیا تھا۔ اس باربھی مایاوتی نے کچھ ہفتے پہلے پریس کانفرنس کرکے اعلان کیا تھا کہ ان کی پارٹی اکیلے لوک سبھا الیکشن لڑے گی۔ کہا جا رہا تھا کہ بی ایس پی اورکانگریس کے الائنس سے دونوں پارٹیوں کو مغربی اترپردیش میں فائدہ ملے گا۔ اگرالائنس ہوجاتا ہے تو دلت-مسلم الائنس کا فائدہ مل سکتا ہے۔ بی ایس پی نے لوک سبھا الیکشن کے لئے تلنگانہ میں بھارت راشٹریہ سمیتی (بی آرایس) سے الائنس کیا ہے۔ دونوں پارٹیاں مل کرالیکشن لڑرہی ہیں۔
بھارت ایکسپریس۔
