جموں و کشمیر کے پہلگام میں 22 اپریل کو ہونے والے دہشت گرد حملے میں 26 بےگناہ سیاح مارے گئے تھے۔ اس دہشت گرد حملے کا بھارت نے بھرپور بدلہ لیا۔ بھارتی فوج نے 6 مئی کی نصف شب کو پاکستان اور پاکستان کے زیرِ انتظام کشمیر (PoK) میں دہشت گردوں کے ٹھکانوں پر بیک وقت کئی حملے کیے۔ ان حملوں میں کئی دہشت گرد مارے گئے ہیں۔
ایکس پر ونیش پھوگٹ کا جذباتی پیغام
بھارتی فوج کی اس کارروائی پر ملک بھر سے حمایت اور ستائش کا سلسلہ جاری ہے۔ اسی دوران ونیش پھوگٹ نے سوشل میڈیا پلیٹ فارم “ایکس” (سابقہ ٹوئٹر) پر لکھا: “بھارتی فوج اپنی جان ہتھیلی پر رکھ کر ملک پر ہونے والے دہشت گردانہ حملے کا منہ توڑ جواب دے رہی ہے۔ بھارت ماتا کی رکشا اور ہم سب کی حفاظت و امن کے لیے اس لڑائی میں آپ کے جذبے اور شجاعت کو سلام۔ دعا ہے کہ بھگوان آپ کی ہر قدم پر حفاظت کرے اور آپ کو جلد فتح حاصل ہو۔ جے ہند، وندے ماترم۔”
भारतीय सेना अपनी जान को हथेली पे रखकर देश पर हुए आतंकवादी हमले का मुंहतोड़ जवाब दे रही है । भारत माता की रक्षा और हम सबकी सुरक्षा और शांति के लिए इस लड़ाई में आपके जज़्बे और शौर्य को नमन। भगवान से प्रार्थना है कि आपकी हर कदम पर रक्षा करें और आपको जल्दी ही विजय दिलायें । जय हिंद,…
— Vinesh Phogat (@Phogat_Vinesh) May 7, 2025
ریسلنگ کو الوداع، سیاست میں نئی شروعات
پیرس اولمپکس 2024 میں ونیش پھوگاٹ نے خواتین کی 50 کلوگرام فری اسٹائل ریسلنگ کے فائنل میں جگہ بنائی تھی۔ بھارتی شائقین کو امید تھی کہ وہ فائنل جیت کر تاریخ رقم کریں گی، کیونکہ بھارت نے اب تک ریسلنگ میں کوئی اولمپک گولڈ نہیں جیتا۔
مگر فائنل سے قبل ایک حیران کن خبر آئی کہ ونیش کو اولمپکس سے ڈسکوالیفائی کر دیا گیا۔ وجہ یہ تھی کہ فائنل مقابلے سے پہلے وزن چیک کرتے وقت ان کا وزن 50 کلوگرام سے 100 گرام زیادہ نکلا۔
ریسلنگ کو خیرباد کہنے کے بعد ونیش نے گزشتہ سال ہریانہ کی سیاست میں قدم رکھا۔ انہوں نے جولانا سیٹ سے کانگریس کے ٹکٹ پر الیکشن لڑا اور کامیاب ہوئیں۔ وینیش پھوگٹ کو 65,080 ووٹ ملے، جبکہ ان کے قریبی حریف یوگیش کمار کو 59,065 ووٹ حاصل ہوئے۔ اس طرح وینیش کو 6015 ووٹوں سے جیت ملی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
