وزیراعظم نریندر مودی کی 8 دسمبر کو وندے ماترم کی 150ویں سالگرہ پر لوک سبھا میں دیے گئے خطاب کی ایک کلپ تیزی سے وائرل ہو رہی ہے۔ اس میں ٹی ایم سی کے رکن پارلیمنٹ نے پی ایم مودی کی تقریر کے دوران ٹوکتے ہوئے کچھ کہا، جس کے بعد یہ ویڈیو خوب موضوعِ گفتگو بنا ہوا ہے۔
آپ کو تو دادا کہہ سکتا ہوں؟ – پی ایم مودی
اپنے خطاب کے دوران ایک غیر متوقع لمحہ آیا، جب وزیراعظم مودی نے پارلیمنٹ میں موجود ایک رکن کو دیکھ کر کہا، ’’میں آپ کو تو دادا کہہ سکتا ہوں؟‘‘ یہ ویڈیو سوشل میڈیا پر زبردست وائرل ہو رہی ہے۔ قابلِ ذکر ہے کہ وزیراعظم جس رکن پارلیمنٹ کو دیکھ کر یہ جملہ کہہ رہے تھے وہ ترنمول کانگریس کے رکنِ پارلیمنٹ سوگت رائے تھے۔ وندے ماترم کی تاریخ بیان کرتے ہوئے پی ایم مودی نے کئی بار بنگلہ زبان کے حوالے بھی دیے۔ اس دوران اپوزیشن اراکین کی جانب سے کیے گئے تبصروں پر وزیراعظم نے مسکراہٹ کے ساتھ اظہارِ تشکر کیا۔ اسی دوران انہوں نے ٹی ایم سی کے رکن سوگت رائے کی طرف رخ کرتے ہوئے دوبارہ کہا، ’’آپ کو تو دادا کہہ سکتا ہوں نا؟ یا اس پر بھی اعتراض ہو جائے گا؟‘‘
رکن پارلیمنٹ نے وزیراعظم کو کیوں ٹوکا؟
پارلیمنٹ میں وندے ماترم کے 150 سال مکمل ہونے پر خصوصی بحث ہوئی، جس کی شروعات وزیراعظم نریندر مودی نے کی۔ اس دوران پی ایم مودی نے وندے ماترم کے خالق اور معروف بنگالی ادیب بنکیم چندر چٹوپادھیائے کو ’’بنکیم دا‘‘ کہہ دیا۔ لیکن ٹی ایم سی کے رکن پارلیمنٹ سوگت رائے نے فوراً اعتراض کیا۔ انہوں نے وزیراعظم کو ٹوکتے ہوئے کہا کہ آپ ’’بنکیم دا‘‘ کہہ رہے ہیں، جبکہ آپ کو ’’بنکیم بابو‘‘ کہنا چاہیے۔ سوگت رائے نے وضاحت کی کہ بنگالی میں ’’دا‘‘ کا مطلب بڑا بھائی ہوتا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
