اے آئی ایم آئی ایم کے سربراہ اسدالدین اویسی نے بہار میں اقتدار میں تبدیلی پر تنقید کی ہے۔ انہوں نے کہا کہ سیکولرزم کے چودھریوں نے بی جے پی کو دو بار جتوایا لیکن صرف ان کی پارٹی کو گالی دی جاتی ہے۔سوشل میڈیا پلیٹ فارم ایکس پر انہوں نے لکھا کہ بہار کی عوام کو فیصلہ کرنا ہوگا یا تو آپ اپنی سیاسی آواز مضبوط کیجئے یا پھر سیاسی لاچاری کو اپنا مقدر بنا لیجئے۔ خواب غفلت میں رہنا اب ممکن نہیں ہے۔ یہ سیکولرازم کے چودھریوں نے بی جے پی کو دو بار جتوا دیا ، لیکن گالی اے آئی ایم آئی ایم کو ہی پڑتی ہے۔
2015 से कई “बुद्धिजीवियों” और “नेताओं” से मैं गालियां खा रहा हूँ क्योंकि मैंने बिहार में महागठबंधन का साथ नहीं दिया। तब भी और 2022 में भी, मैंने कहा था की नीतीशवा भाजपा में वापस जाएंगे, ये इन लोगों की सियासी समझ का साफ़ सबूत है कि ये हर बार ग़लत साबित हुए हैं। बिहार की अवाम को अब…
— Asaduddin Owaisi (@asadowaisi) January 30, 2024
اویسی نے کہا کہ 2015 سے میں کئی دانشوروں اور سیاسی لیڈروں سے میں گالیاں کھا رہا ہوں کیونکہ میں نے بہار میں مہا گٹھ بندھن کا ساتھ نہیں دیا تھا۔ تب بھی اور 2022 میں بھی میں نے کہا تھا کہ نتیش کمار بی جے پی میں واپس جائیں گے۔ یہ ان لوگوں کی سیاسی سمجھ کا واضح ثبوت ہے کہ یہ دانشور ہر بار غلط ثابت ہوئے۔ اس لئے اب بہار کی عوام کو فیصلہ کرنا ہی ہوگا۔
اس سے قبل بہار میں اقتدار کی تبدیلی کے بعد اسد الدین اویسی نے تینوں پارٹیوں بی جے پی، جے ڈی یو اور آر جے ڈی پر حملہ کیا تھا۔ انہوں نے ان تینوں پارٹیوں پر عوام کو دھوکہ دینے کا الزام لگایا تھا۔ ساتھ ہی نتیش کمار کو نشانہ بناتے ہوئے انہوں نے کہا تھا کہ وہ اکثر کہتے تھے کہ اویسی بی جے پی کی بی ٹیم ہے لیکن اب جے ڈی یو سربراہ نے بڑی بے شرمی کے ساتھ ان سے ہاتھ ملا لیا ہے۔
بھارت ایکسپریس۔
